16:25, Monday, 14.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

„ადამიანის უფლებათა ცენტრის“ დამკვირვებელს ორი საჯარიმო აქტი უკანონოდ შეუდგინეს

30.05.2010
„ადამიანის უფლებათა ცენტრის“ დამკვირვებელს გელა მთივლიშვილს კომისიისთვის მუშაობის ხელის შეშლაზე საჯარიმო აქტი ისე შეუდგინეს, რომ იგი ადგილზე არ იმყოფებოდა.

„ლაგოდეხის რაიონის სოფელ უზუნთალაში, N21 საარჩევნო უბანზე 17:30 საათისთვის ვიყავი და საარჩევნო უბანზე დაფიქსირებული დარღვევების გამო შედეგების ბათილად ცნობაზე საჩივარი დავწერე. ამის შემდეგ უბანი დავტოვე. დაახლოებით ერთ საათში კი „ადამიანის უფლებათა ცენტრის“ სხვა დამკვირვებელმა დავით მშვილდაძემ დამირეკა, რომელიც N21 უბანზე იმყოფებოდა და მითხრა, რომ კომისიის წევრებმა ჩემს სახელზე აქტი შეადგინეს, რომელიც 500-ლარიან ჯარიმას ითვალისწინებს“ - ამბობს გელა მთივლიშვილი.

„ადამიანის უფლებათა ცენტრის“ დამკვირვებელს დღეს პირველი აქტი კაბალის N13 საარჩევნო უბანზე შეუდგინეს. აქტში ნათქვამია: „გელა  მთივლიშვილი  უბანში შედის, ყვირის და ხელს უშლის კომისიის წევრებს მუშაობაში“, რაც 500-ლარიან ჯარიმას ითვალისწინებს.

მთივლიშვილის მტკიცებით, ეს მოხდა, რადგან იგი არ დაემორჩილა კომისიის წევრების უკანონო მოთხოვნებს საარჩევნო უბანზე ერთ ადგილზე ყოფილიყო და კენჭისყრის შენობაში არ გადაადგილებულიყო.

„კაბალის მე-18 საარჩევნო უბანზე „ადამიანის უფლებათა ცენტრის“ დამკვირვებელს ბაბულია შაოშვილს კომისიის წევრმა ფიზიკური შეურაცხყოფა მიაყენა. ასევე, მას კომისიის თავმჯდომარემ კენჭისყრის შენობაში გადაადგილება აუკრძალა... მე არ დავემორჩილე უკანონო მოთხოვნას - ვმდგარიყავი ერთ ადგილზე. საარჩევნო უბანზე გადავაადგილდებოდი. ამიტომ კომისიის წევრებმა აქტი შემიდგინეს“, - განაცხადა გელა მთივლიშვილმა. მისი თქმით, კომისიის წევრები უბანზე მყოფ სხვა დამკვირვებლებზეც ახორციელებენ ზეწოლას.

    კახეთის საინფორმაციო ცენტრი  
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC