10:37, Monday, 21.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

„ადამიანის უფლებათა ცენტრის“ დამკვირვებლებმა ზეწოლის გამო საგარეჯოს საარჩევნო ოლქი ვადაზე ადრე დატოვეს

30.05.2010
საღამოს 19:15 საათზე „ადამიანის უფლებათა ცენტრმა“ გადაწყვიტა, გამოიწვიოს ყველა დამკვირვებელი საგარეჯოს მე-11 საარჩევნო ოლქიდან. ამ ინფორმაციას ავრცელებს „ადამიანის უფლებათა ცენტრის“ აღმასრულებელი დირექტორი უჩა ნანუაშვილი, რომელიც პირადად იმყოფებოდა აღნიშნულ ოლქში და სხვადასხვა საარჩევნო უბანზე მრავალი დარღვევა დააფიქსირა. მისი თქმით, საღამოს საათებში „ადამიანის უფლებათა ცენტრის“ დამკვირვებლებსა და საუბნო-საარჩევნო კომისიების წევრებს შორის ურთიერთობა საგრძნობლად დაიძაბა.

„ჩვენს დამკვირვებლებს საშუალებას არ აძლევდნენ დაეწერათ საჩივრები. ხოლო უკვე დაწერილ საჩივრებს რეგისტრაციაში არ ატარებდნენ. ერთ-ერთი საჩივრის დარეგისტრირებას ორი საათი მოვუნდით და ბოლოს როგორც იქნა, მიიღეს. საგარეჯოს საარჩევნო ოლქის სხვადასხვა უბანზე სულ 15-მდე საჩივარი შევიტანეთ, მაშინ როცა, ამაზე ბევრად მეტი დარღვევა გვქონდა დაფიქსირებული. ვაპირებთ ხვალ საოლქო-საარჩევნო კომისიას მივმართოთ საჩივრით და დანარჩენი დარღვევების დარეგისტირებაც მოვთხოვოთ“, - განაცხადა უჩა ნანუაშვილმა.
 
მისივე ინფორმაციით, დამკვირვებლებს საარჩევნო უბნებზე კომისიების წევრები ემუქრებოდნენ: „აი, ცოტა ხანში ნახეთ თქვენ, რა მოგივათ“. ამიტომ ორგანიზაციამ გადაწყვიტა, არ გაემწვავებინათ ურთიერთობა და დამკვირვებლები თბილისში დაბრუნდნენ. დარღვევები დაფიქსირებულია ვიდეო და ფოტოკამერებით, რასაც „ადამიანის უფლებათა ცენტრი“ აუცილებლად მიაწვდის საზოგადოებას.

საგარეჯოს მე-11 საარჩევნო ოლქში „ადამიანის უფლებათა ცენტრის“ დამკვირვებლები არცევნების მიმდინარეობას ძირითადად ეთნიკურად არაქართველებით დასახლებულ სოფლებში აკვირდებოდნენ. დაფიქსირებულ დარღვევებზე „ადამიანის უფლებათა ცენტრმა“ ინფორმაცია მიაწოდა სახალხო დამცველს, გიორგი ტუღუშს და სთხოვა რეაგირება.

ცენტრის ინფორმაციით, საარჩევნო უბნებზე პრაქტიკულად არსად არ ჰქონდათ ქსეროქსის აპარატები, რის გამოც დამკვირვებლები გამოთქვამდნენ პრეტენზიებს. მხოლოდ საღამოს მოიტანეს რამდენიმეგან ქსეროქსის აპარატები. ბევრგან გამოიყენეს ე. წ. კარუსელები - ამომრჩევლები მიკროავტობუსებით ჯგუფ-ჯგუფად  მიჰყავდათ საარჩევნო უბნებზე. ამ ჯგუფებში მყოფი მოქალაქეები ყოველგვარი რეგისტრაციის გარეშე, პირდაპირ შედიოდნენ უბნებში და ყუთში ყრიდნენ ბიულეტენებს.

ალეკო ცქიტიშვილი
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC