18:16, Wednesday, 23.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ესპანურმა პოლიციამ შაქრო კალაშოვი დააკავა

07.06.2010
ესპანურმა პოლიციამ ქართული ორგანიზებული დანაშაულებრივი ჯგუფის ლიდერი შაქრო კალაშოვი დააკავა. როგორც უცხოური სააგენტოები იუწყებიან, დაკავებამდე ესპანურმა სასამართლომ ფულის გათეთრებისთვის კალაშოვს 7,5-წლიანი პატიმრობა და ჯარიმის სახით 20 მილიონი ევროს დააკისრა, თუმცა მის წინააღმდეგ დაკავების ღონისძიება არ ტარდებოდა. კალაშოვი მას შემდეგ დააკავეს, რაც ესპანეთმა საქართველოდან კალაშოვის ექსტრადირების მოთხოვნა მიიღო.

ამასთან, კალაშოვის ადვოკატმა ჰავიერ გომეს დე ლიანომ განაცხადა, რომ მზად არის, გაასაჩივროს მისი დაცვის ქვეშ მყოფის წინააღმდეგ მიღებული გადაწყვეტილება.

2005 წლის ივნისში ესპანურმა პოლიციამ ოპერაცია „კრაზანა“ ჩაატარა, რა დროსაც რუსეთის, საქართველოსა და უკრაინის მოქალაქეები დააკავა, რომლებიც კალაშოვის დანაშაულებრივი დაჯგუფებში შედიოდნენ. თავად კალაშოვმა არაბეთის გაერთიანებულ საემიროებში გაქცევა მოახერხა, თუმცა 2006 წელს დააკავეს და ესპანეთს გადასცეს.

ესპანური პროკურატურა შაქრო კალაშოვს, მეტსახელად „შაქრო მალადოის“ დანაშაულებრივი ჯგუფის შექმნაში ადანაშაულებს, რომლის წევრებიც ესპანეთში შექმნილ კომპანიათა ქსელის საშუალებით დანაშაულებრივი გზით მოპოვებულ ფულს ათეთრებდნენ. კალაშოვის წინააღმდეგ საბრალდებო დასკვნაში მითითებულია ათზე მეტი კომპანია, რომელთა საშუალებითაც ფულის გათეთრება ხდებოდა.

2008 წელს ესპანურმა გაზეთმა El Pais კალაშოვის ქონება 200 მილიონ ევროდ შეაფასა. იგი მოკოსვში აკონტროლებდა სამ კაზინოს, ფლობდა ნავთობკომპანია „ლუკოილის“ აქციებს, ასევე, უძრავ ქონებას ესპანეთში, რომლის ღირებულება 7,5 მილიონი ევროა.

2010 წლის მარტში ევროკავშირის შვიდი სახელმწიფოს სამართალდამცავმა ორგანოებმა ქართული დანაშაულებრივი ჯგუფის წინააღმდეგ ფართომასშტაბიანი ოპერაცია ჩაატარეს. დააკავეს დანაშაულებრივი ჯგუფის 80-მდე წევრი. 25 მათგანი დააკავეს ავსტრიაში, 24 - ესპანეთში, 17 - გერმანიაში. მათ სხვადასხვა ბრალდებები წაუყენეს - დაწყებული გამოძალვიდან, ნარკოტიკების გასაღებით დამთავრებული.

ამის გარდა, დაკავებულები იპარავდენ ძვირადღირებულ კოსმეტიკას, სასმელებს, რის შემდეგაც ნაქურდალს ყიდდნენ.

რამდენიმე დღის წინ კი საქართველოს შინაგან საქმეთა სამინისტრომ სამხრეთ ამერიკიდან საქართველოს გავლით ევროპისკენ მიმავალი უპრეცედენტო მასშტაბის ნარკოტრანზიტი აღკვეთა. ორგანიზატორებად სახელდებიან შაქრო კალაშოვი და მისი თანამზრახველი ნუგზარ ბოჭორიშვილი.

ნუგზარ ბოჭორიშვილს წინასწარი პატიმრობა დაუსწრებლად შეუფარდეს და მასზე საერთაშორისო ძებნა გამოცხადდა. შაქრო კალაშოვისა და ნუგზარ ბოჭორიშვილის ექსტრადირების საკითხთან დაკავშირებით ქართველი სამართალდამცავები ესპანელ კოლეგებთან მოლაპარაკებებს აწარმოებდნენ.

„ინტერპრესნიუსი“

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC