10:35, Wednesday, 23.09.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ხელისუფლება საქართველოს მოქალაქეებს სამართლის პოვნას სტრასბურგშიც უკრძალავს

23.06.2010
საქართველოს მოქალაქეებს სამართლის პოვნა სტრასბურგშიც რომ არ გაუჭირდეთ, ქრისტიან–დემოკრატიული პარტიის წარმომადგენელი ნიკა ლალიაშვილი ადმინისტრაციული საპროცესო კოდექსის 34-ე მუხლის გაუქმებას ითხოვს. 34–ე მუხლი, რომელიც აპელაციასა და კასაციას ეხება, ლალიაშვილის განმარტებით, ადამიანს სამართალის პოვნის უფლებას ართმევს. ქრისტიან–დემოკრატების ლიდერი აპირებს, საქართველოს საკონსტიტუციო სასამართლოს 34–ე მუხლის გაუქმების მოთხოვნით მიმართოს.

„ეს მუხლი ქვეყნის კონსტიტუციასაც ეწინააღმდეგება და ადამიანის უფლებათა ევროპული კონვენციის სრულ იგნორირებასაც ახდენს, რადგან მას შიდასახელმწიფოებრივ ნორმატიულ აქტებთან მიმართებაში უპირატეს იურიდიულ ძალას არ ანიჭებს. ეს იმას ნიშნავს, რომ იმ შემთხვევაშიც კი, თუ სტრასბურგის ადამიანის უფლებათა სასამართლო ადმინისტრაციულ საქმესთან დაკავშირებით საქართველოს სასამართლოს მიერ მიღებულ გადაწყვეტილებას უკანონოდ მიიჩნევს, ეს მოქალაქის დარღვეული უფლებები აღდგენისთვის საკმარის გარემოებად არ ჩაითვლება“, – ამბობს ლალიაშვილი.

ლალიაშვილის მოთხოვნას სრულად იზიარებს არასამთავრობო ორგანიზაცია „ადამიანის უფლებათა პრიორიტეტის“ ხელმძღვანელი ლია მუხაშავრია.

„ადმინისტრაციული საპროცესო კოდექსის 34–ე მუხლი ანტიკონსტიტუციურად მას შემდეგ იქცა, რაც საპროცესო კოდექსში შევიდა ცვლილება, რომლის შემდეგ ევროპის სასამართლოს გადაწყვეტილება ახლად აღმოჩენილ გარემოებად ჩაითვალა. ანუ ევროპული სასამართლოს მიერ გამოტანილი გადაწყვეტილების შემდეგ უნდა გადაისინჯოს ამ საქმეზე მიღებული საქართველოს სასამართლოს გადაწყვეტილება და საბოლოო გადაწყვეტილება ისევ იმ ადმინისტრაციულმა ორგანომ უნდა გამოიტანოს, რომლის გადაწყვეტილებაც სტრასბურგმა უკანონოდ სცნო. გამოდის, სტრასბურგში მოგებული სარჩელი არ აღსრულდება. ეს ხელისუფლების მიერ განხორციელებული საშიში პოლიტიკის გამოვლინებაა“, – აცხადებს ლია მუხაშავრია.

მადლენ მაჭარაშვილი, „ახალი 7 დღე“
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ახალი კორონავირუსის გავრცელების გამო დაკარგეთ თუ არა სამსახური?
დიახ არა

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC