18:22, Tuesday, 31.03.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

დასრულდა „ადამიანის უფლებათა ცენტრის“ პროექტი - „იურიდიული დახმარება ფსიქიკური პრობლემების მქონე ადამიანებისთვის“

24.06.2010
„ადამიანის უფლებათა ცენტრმა“ დაასრულა მუშაობა პროექტზე - „იურიდიული დახმარება საქართველოში მცხოვრებ ფსიქიკური პრობლემების მქონე ადამიანებისთვის“. პროექტის ფარგლებში უფლებადამცველმა ორგანიზაციამ უფასო იურიდიული დახმარება აღმოუჩინა 90-ზე მეტ უნარშეზღუდულ მოქალაქესა და მათ ნათესავებს. პროექტი ფინურმა ფონდმა ABILIS-მა დააფინანსა და 8 თვე გრძელდებოდა. 6 თვის განმავლობაში უფასო იურიდიული დახმარების შესახებ საინფორმაციო რგოლი გადიოდა საზოგადოებრივ მაუწყებელზე, სოციალური რეკლამის სტატუსით.

„ადამიანის უფლებათა ცენტრმა“ რამდენიმე საქმეზე სარჩელით მიმართა სასამართლოს.  ერთი საქმე გააგზავნა ევროპის ადამიანის უფლებათა სასამართლოში. პარალელურად, ახორციელებდა ფსიქიატრიული დაწესებულებების ძირეულ მონიტორინგს და აწყობდა სისტემატიურ ვიზიტებს დღის სარეაბილიტაციო ცენტრებში.

25 ივნისს „ადამიანის უფლებათა ცენტრი“ პროექტის შესახებ ანგარიშს ვებ-პორტალზე გამოაქვეყნებს და პრეკონფერენციაზე ჟურნალისტებს გააცნობს. პროექტის ანგარიშის თანახმად, 2007 წლის მონაცემებით, საქართველოში რეგისტრირებულია ფსიქიკური პრობლემების მქონე 72 588 ადამიანი, მათ შორის - 1496 ბავშვი. უფლებადამცველ ორგანიზაციას მიაჩნია, რომ ეს ციფრები მოიცავს მხოლოდ რეგისტირებულ ადამიანებს და არა ყველას, ვინც რეალურად საჭიროებს მკურნალობას.

საავადმყოფოებში არსებული პირობები და სიტუაცია საშუალებას არ აძლევს პაციენტებს და მათ ნათესავებს, დათანხმდნენ ასეთ მკურნალობაზე. ამის გამო საქართველოს ფსიქიატრიული საავადმყოფოების პაციენტები ხდებიან მხოლოდ ყველაზე მწვავე პრობლემების მქონე, სახსრებისა და სათანადო საცხოვრებლის არმქონე პირები, სხვები კი მკურნალობის ალტერნატიულ საშუალებებს მიმართავენ; ზოგჯერ მიმართავენ „ჯადოსნებს“, რომლებიც მათ პირდებიან ჯადოს მოხსნას. ხშირად კი, უბრალოდ, არაფერს აკეთებენ და დაავადებას განვითარების საშუალებას აძლევენ.

გონებრივად შეზღუდული ადამიანები ხშირად ჩაკეტილი არიან ფსიქიატრიულ დაწესებულებებში - მაშინაც კი, როცა არ საჭიროებენ ჰოსპიტალურ მკურნალობას. ამ ტენდენციის მიზეზი ბევრია. თვალსაჩინოებისთვის „ადამიანის უფლებათა ცენტრი“ პრესკონფერენციაზე ერთ-ერთ სანიმუშო საქმეს წარმოადგენს. ჟურნალისტებს საშუალება ექნებათ, ჩაიწერონ ფსიქიკური პრობლემების მქონე პირების პოზიცია. 

ადამიანის უფლებათა ცენტრი, 24.06.10.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

აპოკალიფსი არ იქნება
  ჩვენი ქვეყნის სახელმწიფოებრიობის მრავალსაუკუნოვანი ისტორიის მიუხედავად, სწორედ ახლა არის დრო, როცა საქართველოში პასუხისმგებლიანი სამოქალაქო საზოგადოების ჩამოყალიბება შეგვიძლია, რამაც მნიშვნელოვნად უნდა
ვრცლად...
საგანგებო მდგომარეობის გავლენა საპარლამენტო არჩევნებზე
შშმ მსჯავრდებულთა უფლებები პენიტენციურ დაწესებულებაში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC