19:24, Sunday, 27.09.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ალასანიას პარტია ხელისუფლებას მოუწოდებს, ცოტნე გამსახურდიას საქმეზე ევროსასამართლოს შუალედური გადაწყვეტილება შეასრულოს

02.07.2010
ირაკლი ალასანიას პარტია ხელისუფლებას მოუწოდებს, ცოტნე გამსახურდიას საქმეზე მიღებული ევროსასამართლოს შუალედური გადაწყვეტილება შეასრულოს.
 
„ჩვენი საქართველო – თავისუფალი დემოკრატები“ მიესალმება ადამიანის უფლებათა ევროპული სასამართლოს 30 ივნისის გადაწყვეტილებას, ცოტნე გამსახურდიას საქმეში დროებითი ღონისძიების შესახებ.

„ამ შუალედური გადაწყვეტილებით, სტრასბურგის სასამართლომ საქართველოს მთავრობას მიუთითა, ცოტნე გამსახურდია ისეთ სამედიცინო დაწესებულებაში მოათავსოს, სადაც შესაძლებელი იქნება მისი ჯანმრთელობის რეაბილიტაცია ხანგრძლივი შიმშილობის შემდეგ. იგივე გადაწყვეტილებით, საქართველოს მთავრობამ უნდა უზრუნველყოს ცოტნე გამსახურდიას დაუბრკოლებელი შეხვედრები მის ადვოკატთან“, - ნათქვამია განცხადებაში, რომელიც „თავისუფალმა დემოკრატებმა“ გაავრცელეს.

აქვე აღნიშნულია, რომ საქართველოს მთავრობას სტრასბურგის სასამართლომ მოსთხოვა, ერთი თვის ვადაში წარუდგინოს ცოტნე გამსახურდიას სრული სამედიცინო ისტორია, რომელსაც სასჯელაღსრულების დეპარტამენტი დაკავების დღიდან აწარმოებს.

„სტრასბურგის სასამართლომ მოსთხოვა თავად ცოტნე გამსახურდიას, შეწყვიტოს შიმშილობა და არ მიმართოს პროტესტის ამ ზომას მისი საჩივრის განხილვის დასრულებამდე. „თავისუფალი დემოკრატები“ მოუწოდებენ ხელისუფლებას, ზედმიწევნით შეასრულოს ევროპული სასამართლოს მიერ მიღებული შუალედური გადაწყვეტილება. ამ სავალდებულო გადაწყვეტილების შეუსრულებლობა გამოიწვევს ევროპული კონვენციის 34-ე და 38-ე მუხლების დარღვევას და ხელისუფლების დაუმორჩილებლობის საკითხის ევროსაბჭოს მინისტრთა კომიტეტზე გატანას“, - ნათქვამია განცხადებაში.

„თავისუფალი დემოკრატები“ აგრეთვე მოუწოდებენ ცოტნე გამსახურდიას, დაიცვას ევროსასამართლოს მიერ მისდამი გამოტანილი გადაწყვეტილება და წერტილი დაუსვას შიმშილობას, რათა ევროსასამართლომ შეძლოს საქმეზე სიმართლის დადგენა მართლმსაჯულებისათვის შესაფერის პირობებში.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ახალი კორონავირუსის გავრცელების გამო დაკარგეთ თუ არა სამსახური?
დიახ არა

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC