სანდრო გირგვლიანის ოჯახის საჩივარი თბილისის სააპელაციო სასამართლომ არ დააკმაყოფილა. როგორც გირგვლიანის ოჯახის ადვოკატმა დავით ჯანდიერმა „ინტერპრესნიუსს“ განუცხადა, თბილისის სააპელაციო სასამართლომ თბილისის საქალაქო სასამართლოს გადაწყვეტილება ძალაში დატოვა.
საქალაქო სასამართლომ ნაცვლად მოთხოვნილი 200 000 ლარისა, გირგვლიანის მკვლელობაში მსჯავრდებულებს მორალური კომპენსაციის სახით 40 000 ლარი დააკისრა.
გირგვლიანები სააპელაციო სასამართლოს გადაწყვეტილების გასაჩივრებას უზენაეს სასამართლოში აპირებენ. სააპელაციო წესით პირველი ინსტანციის გადაწყვეტილება ორივე მხარემ, მოსარჩელემაც და მოპასუხემაც გაასაჩივრა.
2010 წლის 29 აპრილს, სტრასბურგში ადამიანის უფლებათა ევროპულმა სასამართლომ ზეპირი მოსმენით განიხილა საქმე, სახელწოდებით „ენუქიძე-გირგვლიანი საქართველოს წინააღმდეგ“. ევროპულ სასამართლოს გადაწყვეტილება ამ საქმესთან დაკავშირებით ჯერჯერობით არ მიუღია.
ინტერპრესნიუსი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
