10:14, Wednesday, 23.04.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ადამიანის უფლებათა ცენტრი გმობს ცხინვალში თემურ ცხოვრებოვის ცემის ფაქტს

26.07.2010
24 ივლისს სამხრეთ ოსეთის ტერიტორიაზე ცნობილ ოს აქტივივისტს და გაზეთ „21-ე საუკუნის“ რედაქტორს, თემურ ცხოვრებოვს თავს რამდენიმე პირი დაესხა. თავდამსხმელებმა მას ფიზიკური შეურაცხყოფა და სხეულის მნიშვნელოვანი დაზიანებები მიაყენეს.

თავდასხმა ცხინვალში ხარებოვის ქუჩაზე მოხდა. დაზარალებულების ახლობელთა გადმოცემით, ინციდენტში მონაწილეობდნენ სამხრეთ ოსეთის დე ფაქტო პარლამენტის წევრები, კაზმირ პლიევი, დიმიტრი ვანეევი და ალან ხასიევი.

ინციდენტი, სავარაუდოდ ჰოლანდიის ქალაქ ლეიდენში, არასამთავრობო ორგანიზაცია IKV Pax Chridti-ს ორგანიზებით ჩატარებულ ქართულ-ოსურ ფორუმზე, თემურ ცხოვრებოვის მხრიდან გაკეთებული განცხადება გახდა, რომელშიც ეს უკანასკნელი კონფლიქტის მონაწილე მხარეებს სამხრეთ ოსეთის ადმინისტრაციული საზღვრის გახსნისაკენ მოუწოდებს.

თემურ ცხოვრებოვის მეგობარი და კოლეგა, ბესარიონ ასეევი ცემის ფაქტს სწორედ აღნიშნულ აქტივობას უკავშირებს. იგი ასევე აცხადებს, რომ სამხრეთ ოსეთის დე ფაქტო პარლამენტის დეპუტატი, კაზიმირ პლიევი მის კოლეგას ორი დღის განმავლობაში ურეკავდა და მოკვლით ემუქრებოდა.

ცხოვრებოვი ასევე მოღალატედ გამოაცხადა სამხრეთ ოსეთის დე ფაქტო რესპუბლიკის მაღალჩინოსანმა, ბორის ჩოჩიევმა.

ქართულ-ოსური ფორუმი ქალაქ ლეიდენში 2010 წლის 11-16 ივლისს გაიმართა. მონაწილეებმა ჟენევის მოლაპარაკებებში ჩართული მხარეების მისამართით საერთო განცხადება მიიღეს, სადაც მათ სტატუსის განსაზღვრისა და სხვა პოლიტიკური წინაპირობების გარეშე, მოსახლეობის წინაშე მდგარი ჰუმანიტარული პრობლემების მოგვარებისაკენ მოუწოდეს.

„ადამიანის უფლებათა ცენტრი“ გმობს სამხრეთ ოსეთის ტერიტორიაზე სამოქალაქო საზოგადოების წარმომადგენლისა და ჟურნალისტის, თემურ ცხოვრებოვის წინააღმდეგ განხორციელებულ ძალადობრივ ფაქტს და დე ფაქტო ხელისუფლების წარმომადგენლებს მოუწოდებს მიუკერძოებელი და ეფექტური გამოძიების ჩატარებისაკენ.

ადამიანის უფლებათა ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
თქვენი აზრით, ირღვევა თუ არა წინა ხელისუფლების ყოფილი მაღალჩინოსნების უფლებები?
ირღვევა არ ირღვევა არა ვარ ინფორმირებული მიჭირს პასუხის გაცემა

ბლოგი

მშიერი კომისიის წევრები და გაბრაზებული თავმჯდომარეები ბათუმში
არჩვენებს 2003 წლიდან ვაკვირდები. არც ერთი არჩევნები არ გამომიტოვებია, რასაც ვერ ვიტყოდი ჩემი საარჩევნო ხმის უფლების გამოყენებაზე - ყველა არჩევნებზე, იმის გამო რომ
ვრცლად...
ბეჭედი ნაკვეთურის გარეშე და ორსახელიანი ამომრჩეველი გურიაში
პირველად დამკვირვებლის სტატუსით
არქივი
    

რედაქტორის აზრი

პატიმართა მასობრივი პროტესტის მიზეზები
ბოლო ხანს მედიაში ერთ-ერთი აქტუალური თემაა პატიმართა პროტესტი გეგუთის კოლონიაში. ასობით პატიმარი პროტესტის სხვადასხვა ზომებს მიმართავს და კოლონიის დირექტორის გადაყენებას მოითხოვს. ისინი საპატიმროს
ვრცლად...
შემოდგომის ბუზი
ადამიანის უფლებათა ცენტრი მაღალჩინოსნების სასამართლო პროცესებს დააკვირდება
არქივი
თემები
კატეგორიები

Copyright © 2004 - 2014 HRIDC