რამდენიმე სამეცნიერო-კვლევით დაწესებულებას თავდაცვის სამინისტრო გააკონტროლებს
პრეზიდენტ მიხეილ სააკაშვილის ბრძანებულების თანახმად, სამეცნიერო-კვლევითი დაწესებულებების - საჯარო სამართლის იურიდიული პირების: გრიგოლ წულუკიძის სამთო ინსტიტუტის, რაფიელ დვალის მანქანათა მექანიკის ინსტიტუტისა და ფერდინანდ თავაძის მეტალურგიისა და მასალათმცოდნეობის ინსტიტუტის სახელმწიფო კონტროლს, თავდაცვის სამინისტრო განახორციელებს.
ამავე ბრძანებულებით, საქართველოს თავდაცვის სამინისტრომ აღნიშნული სამეცნიერო-კვლევითი დაწესებულებების წესდებები, 2 თვეში უნდა დაამტკიცოს.
აღნიშნულ სამეცნიერო-კვლევით დაწესებულებებზე სახელმწიფო კონტროლს აქამდე განათლებისა და მეცნიერების სამინისტრო ახორციელებდა.
ინტერპრესნიუსი