05:27, Saturday, 06.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

თამარ კორძაია: „როცა ტელევიზია გამგეობისგან ფულს იღებს, პირდაპირ მეტყველებს იმაზე, რომ ის არ არის დამოუკიდებელი“

02.08.2010
„თვითმმართველობასთან ხელშეკრული ტელევიზიები“, - ამ სათაურით აქვეყნებს სტატიას ჟურნალი „ლიბერალი“. სტატიის მიხედვით, მუნიციპალიტეტებთან ხელშეკრულება ოფიციალურად 16 რეგიონულ ტელევიზიას აქვს გაფორმებული, მათ შორის არის ტელეკომპანია „გურჯაანი“.

„ტელეკომპანია „გურჯაანს“ გურჯაანის მუნიციპალიტეტის გამგეობასთან გაფორმებული ხელშეკრულება „მუნიციპალიტეტის ტერიტორიაზე მიმდინარე პროცესების ოპერატიულად და ობიექტურად გაშუქებას“ ავალდებულებს, რისთვისაც 2010 წელს ტელეკომპანია 31 900 ლარს იღებს“, - აღნიშნულია სტატიაში.

ახალგაზრდა იურისტთა ასოციაციის იურისტის თამარ კორძაიას თქმით, „ტელევიზია ისედაც ვალდებულია, გააშუქოს მიმდინარე მოვლენები. „ვერ წარმომიდგენია, მით უმეტეს რეგიონებში, რა შეიძლება გააშუქონ სხვა, თუ არა ადგილობრივი გამგეობისა და საკრებულოს საქმიანობა. ამაში რომ ფულს იღებს ტელევიზია, პირდაპირ მეტყველებს იმაზე, რომ ის არ არის დამოუკიდებელი და მის დამოუკიდებლობას ეს ხელშეკრულება ძალიან მძიმე ტვირთად აწევს“, - ამბობს კორძაია.

ტელეკომპანია „გურჯაანის“ აღმასრულებელი დირექტორი ლევან ალექსიშვილი განმარტავს, რომ ამ ხელშეკრულების ფარგლებში ტელეკომპანია ამზადებს ყოველკვირეულ გადაცემას „დიალოგი“, რომელშიც ჟურნალისტი იწვევს მუნიციპალიტეტის წარმომადგენლებს. გადაცემაში განსახილველი საკითხები წინასწარ თანხმდება მუნიციპალიტეტთან. გადაცემას აქვს „R“ ნიშანი, რაც ნიშნავს, რომ ის სარეკლამოა.

„ჩვენ შევძელით, რომ ეს თანხა ჩამოშორებოდა საინფორმაციო გამოშვებებს და გაგვემიჯნა საინფორმაციო და სარეკლამო სიუჟეტები ერთმანეთისგან. ჩვენ ამაზეც უარს ვიტყვით, თუ დავინახავთ, რომ შემოსავალი იქნება სტაბილური“, - აცხადებს ლევან ალექსიშვილი.

უნდა აღინიშნოს, რომ გადაცემა „დიალოგს“ „R“ ნიშანი დაახლოებით სამი კვირაა, რაც ადევს. მანამდე მუნიციპალიტეტის გამგეობის დაკვეთით ტელეკომპანია „გურჯაანის“ ეთერში სიუჟეტები საინფორმაციო გამოშვებებში გადიოდა ისე, რომ რეკლამა აღნიშნული არ იყო.

თამარ კორძაიას თქმით, ტელეკომპანია ამით პირდაპირ არღვევს მაუწყებლობის შესახებ კანონს, რადგან საინფორმაციო გადაცემების სპონსორობა აკრძალულია.

კახეთის საინფორმაციო ცენტრი 
Print Send to Friend Send to Facebook Tweet This
სახელი: ვალერი
2014-04-12 11:23
მართალი ბრძანდებით ქალბატონო. ტელეკომპანია გურჯაანი, მარტო ამ ეპიზოდში არ არღვევს კანონს.
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC