22:05, Wednesday, 02.12.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ირაკლი კაკაბაძის დაკავების ფაქტთან დაკავშირებით სისხლის სამართლის დანაშაულის ნიშნები იკვეთება

17.08.2010
ირაკლი კაკაბაძის დაკავებასთან დაკავშირებით სისხლის სამართლის დანაშაულის ნიშნები იკვეთება. როგორც „ინტერპრესნიუსს“ სახალხო დამცველის აპარატიდან აცნობეს, აღნიშნულთან დაკავშირებით სახალხო დამცველმა მის ხელთ არსებული მასალები შემდგომი რეაგირებისთვის საქართველოს მთავარ პროკურორს გადაუგზავნა.

მიმდინარე წლის 14 აგვისტოს სახალხო დამცველის წარმომადგენელმა ირაკლი კაკაბაძეს ახსნა-განმარტება ჩამოართვა. ახსნა-განმარტებიდან ირკვევა, რომ 14 აგვისტოს, 19:00 საათზე, თბილისში, ჯორჯ ბუშის ქუჩაზე მიმდინარეობდა აქცია, რომლის ფარგლებშიც პოეტები აღნიშნული ქუჩისთვის სახელის გადარქმევას ითხოვდნენ.

ახსნა-განმარტების თანახმად, აქციის მიმდინარეობის ადგილას მივიდნენ სამართალდამცავი ორგანოს წარმომადგენლები, რომლებმაც აქციის მონაწილეები დააკავეს.

მოგვიანებით, დაკავებულები შინაგან საქმეთა სამინისტროს ეზოში გადაიყვანეს, სადაც ორი საათის განმავლობაში იმყოფებოდნენ. ამ პერიოდში, მათთან მივიდნენ თბილისისა და მცხეთა-მთიანეთის საპატრულო პოლიციის მთავარი სამმართველოს უფროსი გიორგი გეგეჭკორი და მისი მოადგილე, რომლებმაც ირაკლი კაკაბაძეს სიტყვიერი და ფიზიკური შეურაცხყოფა მიაყენეს. ამის შემდგომ ირაკლი კაკაბაძე ცუდად გახდა და ახსნა-განმარტების ჩამორთმევის დროსაც თავს კარგად არ გრძნობდა.

სახალხო დამცველის რწმუნებულის მიერ 2010 წლის 14 აგვისტოს საქართველოს შსს თბილისის #2 დროებითი მოთავსების იზოლატორში შედგენილი ოქმის მიხედვით, ირაკლი კაკაბაძეს აღენიშნება დაზიანებები მარჯვენა მხრისა და მკლავის არეში. დაზიანებების არსებობის ფაქტი ასევე დასტურდება შინაგან საქმეთა სამინისტროს დროებითი დაკავების იზოლატორის დაკავებულის გარეგანი დათვალიერების ოქმითაც. სახალხო დამცველის რწმუნებულის მიერ შედგენილ ოქმში მითითებულია, რომ ირაკლი კაკაბაძის განმარტებით, აღნიშნული დაზიანებები მან შინაგან საქმეთა სამინისტროს ეზოში მიიღო.

სახალხო დამცველს მიაჩნია, რომ არსებული მასალებიდან სისხლის სამართლის დანაშაულის ნიშნები იკვეთება და მის ხელთ არსებული მასალები შემდგომი რეაგირებისთვის საქართველოს მთავარ პროკურორს მურთაზ ზოდელავას გადაუგზავნა.

ინტერპრესნიუსი
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC