13:16, Tuesday, 07.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

კლინტონი კვლავ მოუწოდებს რუსეთს, საქართველოდან ჯარები გაიყვანოს

07.10.2010

დევიდ გოლასტი, „ამერიკის ხმა“

აშშ-ის სახელმწიფო მდივანმა, ჰილარი კლინტონმა რუსეთს კვლავ მოუწოდა საქართველოდან ჯარების გაყვანისკენ, როგორც ამას მოითხოვს შეთანხმებები, რითაც ორ ქვეყანას შორის 2008 წლის ხანმოკლე ომი დასრულდა.

6 ოქტომბერს აშშ-ის სახელმწიფო დეპარტამენტში აშშ–საქართველოს დიალოგის გახსნაზე გაჟღერებული ეს კომენტარები, როგორც ჩანს, მიზნად ისახავდა საქართველოს დარწმუნებას, რომ რუსეთთან სხვა მნიშვნელოვან საგარეოპოლიტიკურ საკითხებზე თანამშრომლობისას, ობამას ადმინისტრაცია საქართველოს ინტერესებს არ დაივიწყებს.     

აშშ–საქართველოს სტრატეგიული პარტნიორობის რიგით მეორე დიალოგის პირველ სხდომაზე კლინტონმა რუსეთის გახანგრძლივებულ სამხედრო ყოფნას საქართველოს გამოყოფილ რეგიონებში, აფხაზეთსა და სამხრეთ ოსეთში, კვლავ ოკუპაცია უწოდა.

კლინტონმა თქვა, რომ შეერთებული შტატები მტკიცედ დგას თავის პოზიციაზე და მხარს უჭერს საქართველოს სუვერენიტეტს და ტერიტორიულ მთლიანობას. მისივე თქმით, მხარდაჭერა 2009 წლის პარტნიორული შეთანხმების მთავარი პრინციპი და ორმხრივი ურთიერთობის საფუძველია.

„ჩვენ კვლავ მოვუწოდებთ რუსეთს, შეწყვიტოს საქართველოს ტერიტორიის ოკუპაცია, გაიყვანოს მისი არმია და შეასრულოს  2008 წლის ცეცხლის შეწყვეტის შეთანხმებით გათვალისწინებული ვალდებულებები“, – განაცხადა სახელმწიფო მდივანმა, - „საქართველომ კონსტრუქციული მიდგომა გამოავლინა ჩვენს საერთო ძალისხმევაში ჟენევაში ამ პრობლემის მოლაპარაკებების გზით გადაწყვეტის თვალსაზრისით. ჩვენ მხარს ვუჭერთ ოკუპირებულ ტერიტორიებთან მიმართებაში საქართველოს სახელმწიფო სტრატეგიის მიზნებს და მზად ვართ, გადავდგათ ისეთი ნაბიჯები, რაც ამ მნიშვნელოვან მიზნებს განამტკიცებს“.

ჟენევის მოლაპარაკებები 2008 წლის ომის შემდეგ დაიწყო.  საქართველოს შეტევას სამხრეთ ოსეთის სეპარატისტებზე რუსეთის სამხედრო პასუხი მოჰყვა როგორც სამხრეთ ოსეთში, ასევე - აფხაზეთში, შავი ზღვის სანაპირო რეგიონში.

მოგვიანებით რუსეთმა ამ ორი რეგიონის დამოუკიდებლობა აღიარა და ჟენევაში მოითხოვა, რომ საქართველომ მათთან ძალის გამოუყენებლობის შესახებ შეთანხმებას ხელი მოაწეროს, რაზეც თბილისი უარს ამბობს.           

ობამას ადმინისტრაცია მიესალმა საქართველოს მთავრობის დეკლარირებულ სტრატეგიას ეკონომიკური სტიმულების გზით ქვეყნის მშვდობიან გაერთიანებაზე.

თავის განცხადებებში კლინტონმა ხელახლა დაადასტურა აშშ-ის მხარდაჭერა საქართველოს ნატოში გაწევრიანებისკენ  მისწრაფების მიმართ და განაცხადა, რომ ის ძალიან შეწუხებულია უკანასკნელ დღეებში ოთხი ქართველი ჯარისკაცის დაღუპვით ავღანეთში.

მან თქვა, რომ საქართველომ პოლიტიკური რეფორმების თვალსაზრისით ხელშესახებ პროგრესს მიაღწია, თუმცა განაცხადა, რომ წინ „დიდი სამუშაოა“ ჩასატარებელი 2012 წლის საპარლამენტო და მომდევნო წელს საპრეზიდენტო არჩევნებამდე.

საქართველოს პრემიერ–მინისტრმა ნიკოლოზ გილაურმა, რომელიც მისი დელეგაციის სახელით საუბრობდა, განაცხადა, რომ საქართველო მიისწრაფვის გახდეს „მისაბაძი მოდელი“ რეფორმებისთვის კავკასიის რეგიონში, რომელიც „კვლავ პოტსაბჭოთა სტილში აზროვნებს“ და სადაც კორუფცია ხელისუფლებაში ყოველდღიური ცხოვრების ნაწილია.

წყარო: http://foreignpress.ge/?p=15068  

ორიგინალი


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC