კატეგორიები
ჟურნალისტური მოკვლევა
სტატია
რეპორტაჟი
ანალიზი
ფოტო რეპორტაჟი
ექსკლუზივი
ინტერვიუ
უცხოური მედია საქართველოს შესახებ
რედაქტორის აზრი
პოზიცია
მკითხველის აზრი
ბლოგი
თემები
ბავშვები
ქალები
მართლმსაჯულება
ლტოლვილები / დევნილები
უმცირესობები
მედია
ჯარი
ჯანდაცვა
კორუფცია
არჩევნები
განათლება
პატიმრები
რელიგია
სხვა

ზაზა ჩაკვეტაძის ადვოკატი ევროსასამართლოს მიმართავს

27 ოქტომბერი, 2010
„ეროვნული ფორუმის“  წევრის, ზაზა ჩაკვეტაძის ადვოკატი სულხან კაპანაძე აცხადებს, რომ აუცილებლად მიმართავს ევროსასამართლოს, თუ თბილისის სააპელაციო სასამართლო დაპატიმრების ბრძანებას არ გააუქმებს და ჩაკვეტაძეს არ გაათავისუფლებს.

მისი განმარტებით, ჩაკვეტაძის საქმეს ბოლომდე მიიყვანენ და სამართალს მაინც იპოვიან.

სააპელაციო სასამართლოში ჩაკვეტაძის საჩივარი ჯერ არ შესულა. ადვოკატის განმარტებით, ახალი სისხლის სამართლის საპროცესო კოდექსით, საჩივარზე აუცილებელია  პატიმრის ხელმოწერა. საჩივარი ამჟამად ციხეშია გადაგზავნილი ხელის მოსაწერად, შემდეგ იგი თბილისის საქალაქო სასამართლოში შევა, საიდანაც სააპელაციოში გადაიგზავნება. ამ პროცედურებისთვის ციხის ადმინისტრაციას, ადვოკატის მიერ საჩივრის შეტანიდან ორ დღის ვადა აქვს. სააპელაციო სასამართლოს კი, გადაწყვეტილების მისაღებად საჩივრის შესვლიდან 72-საათიანი ვადა აქვს.

ადვოკატი მიიჩნევს, რომ ჩაკვეტაძის უკანონოდ დააკავეს  და აღკვეთის ღონისძიებად დაპატიმრების გამოყენებაც უკანონოა.

ჩაკვეტაძეს წინასწარი ორთვიანი პატიმრობა თბილისის საქალაქო სასამართლოს მოსამართლემ მილერი ხარებავამ შეუფარდა. მას ბრალად პოლიციისათვის წინააღმდეგობის გაწევა ედება, რაც ხუთ წლამდე პატიმრობას ითვალისწინებს.

ჩაკვეტაძე 21 ოქტომბერს, ლილოს ბაზრობაზე მომხდარი ინციდენტის დროს დააკავეს.

ინტერპრესნიუსი

ახალი ამბები