17:10, Wednesday, 16.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ევროსასამართლომ საქართველოს წინააღმდეგ კიდევ ერთი გადაწყვეტილება მიიღო

29.10.2010
ადამიანის უფლებათა ევროპულმა სასამართლომ საქართველოს წინააღმდეგ კიდევ ერთი გადაწყვეტილება მიიღო.

ევროსასამართლომ საქართველოს ხელისუფლება სიცოცხლის უფლების დარღვევაში დაადანაშაულა და განმცხადებლების სასარგებლოდ 12 000 ევრო დააკისრა.

ცოლ-ქმრის, ხაინდრავა-ძამაშვილის საქმე ევროსასამართლოში ადვოკატმა ზაზა ხატიაშვილმა გააგზავნა.

როგორც „ინტერპრესნიუსს“ ხატიაშვილმა განუცხადა, ევროსასამართლომ უპრეცედენტო გადაწყვეტილება მიიღო, როდესაც კონვენციის მეორე მუხლის, ადამიანის სიცოცხლის უფლების ხელყოფის დარღვევა აღიარა.

ხატიაშვილის თქმით, ასეთი გადაწყვეტილება საქართველოს მიმართ ევროსასამართლოს მანამდე მიუღია.

ხატიაშვილის განცხადებით, ეს იმას ნიშნავს, რომ გირგვლიანის, ვაზაგაშვილის და სხვა სიცოცხლის უფლებადარღვეულების მიმართაც, ევროსასამართლო ხელისუფლებას გაამტყუნებს.

საუბარია მარტვილში, 1997 წელს ხაინდრავების ოჯახზე მომხდარ თავდასხმაზე. თავდამსხმელები ოჯახის უფროსს სასტიკად გაუსწორდნენ. სამმა პირმა იარაღის კონდახით და წიხლებით ისე სცემა ხაინდრავა, რომ ის სასწაულად გადაურჩა სიკვდილს. მეორე დღეს ოჯახმა პოლიციაში განცხადება შეიტანა, მაგრამ ამას ძალოვნებისგან რეაგირება არ მოჰყოლია. ხაინდრავამ თავად დაიწყო დამნაშავეების დადგენა. 2 თავდამსხმელი მოძებნა, ისინი განაიარაღა და თავის სახლში გამოკეტა. სახლში რაიონის პროკურორი და მისი მოადგილეც მოიწვია. მათი თანდასწრებით, ორივემ თავდასხმა აღიარა, მესამე თანამონაწილეც დაასახელეს და განაცხადეს, რომ ხაინდრავებზე თავდასხმა ამავე რაიონის ერთ-ერთმა გავლენიანმა პირმა დაუკვეთა.

ამის მიუხედავად, პროკურორებს რეაგირება არ მოუხდენიათ, გამოძიება კი არაეფექტურად წარიმართა. შემდეგ, საქმე ევროსასამართლოში გაიგზავნა. საქართველოს ხელისუფლებას კომპენსაციის გადახდის სამ თვიანი ვადა აქვს.

ინტერპრესნიუსი
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC