„ქართული პარტიის“ ოფისის გაუჩინარებული თანამშრომლები დაკავებულები აღმოჩნდნენ
1 ნოემბერი, 2010
30 ოქტომბერს „ქართული პარტიის“ ერთ-ერთმა ხელმძღვანელმა კოკა გუნცაძემ ბრიფინგზე განაცხადა, რომ პოლიტორგანიზაციის ოფისის თანამშრომლები - ვასილ ჯავახიშვილი და იმედა სისაური უგზო-უკვლოდ გაუჩინარდნენ. კუნცაძემ თანამშრომლების ადგილსამყოფელის დადგენა საპატრულო პოლიციასა და სახალხო დამცველს თხოვა.
„ქართული პარტიის“ ოფისის გაუჩინარებული თანამშრომლები დაკავებულები აღმოჩნდნენ. შსს-ს თანამშრომლებმა იმედა სისაური და ვასილ ჯავახიშვილი აფეთქების დაგეგმვის გამო, თბილისში დააკავეს.
შსს-ს ინფორმაციით, ეჭვმიტანილები ხელყუმბარებით შეიარაღებულები მიემართებოდნენ არგოს ქუჩა #18-ში, სადაც მორიგი დანაშაულის ჩადენას გეგმავდნენ. მანამდე - 13 აგვისტოს და 14 სექტემბერს არგოს ქუჩა 18-ში მდებარე გურამ ჟორჟოლიანის საცხოვრებელი სახლის ეზოში აფეთქება მოხდა.
გამოძიების შედეგად, თბილისის გლდანი-ნაძალადევის რაიონის პოლიციის სამმართველოს თანამშრომლებმა დააკავეს 1969 წელს დაბადებული ვასილ ჯავახიშვილი და მისი თანამზრახველი, წარსულში ძარცვისთვის ნასამართლევი 1979 წელს დაბადებული იმედა სისაური, რომელთაც „ერგედე-5“ და „ეფ-1“ ტიპის ხელყუმბარები აღმოაჩნდათ. იმედა სისაურის ბინის ჩხრეკისას ამოღებულია ავტომატის და პისტოლეტის მჭიდები და სამბრძოლო მასალა.
გამოძიება მიმდინარეობს საქართველოს სსკ-ის 239-ე მუხლის პირველი და მეორე და 187-ე მუხლის მეორე ნაწილით.
შსს-ს ცნობით, დაკავებულები აღიარებენ დანაშაულს. სამინისტრომ ასევე გაავრცელა ვასილ ჯავახიშვილის აღიარებითი ჩვენებაც, რომელშიც ის აცხადებს, რომ ჟორჟოლიანს ვალი ჰქონდა და დაშინების გზით, ვალის ამოღებას ცდილობდნენ.
ინტერპრესნიუსი
ახალი ამბები
პოპულარული
სტატია
13 თებერვალი, 2024
სტატია
28 დეკემბერი, 2023
სტატია
13 დეკემბერი, 2023