19:10, Monday, 18.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

განათლების სამინისტრო შსს-თან ერთად - „მე მიყვარს ჩემი პოლიცია“

25.11.2010

გელა მთივლიშვილი, კახეთი

განათლებისა და მეცნიერების სამინისტროს მიერ შინაგან საქმეთა სამინისტროსთან თანამშრომლობით, თემაზე „მე მიყვარს ჩემი პოლიცია“ გამოცხადებული კონკურსების ვადა 25 ნოემბერს იწურება. კონკურსის ფარგლებში მოსწავლეებს ნახატები, თხზულებები და ფოტოკონკურსი უნდა მოემზადებინათ. ბევრმა უფროსკლასელმა ამ თემაზე მუშაობისგან თავი შეიკავა. რამდენიმე სკოლაში მოზარდებს სკოლის დირექტორები დაემუქრნენ, რომ დავალების შეუსრულებლობისათვის საატესტატო გამოცდებზე პრობლემებს შეუქმნიან.

კონკურსის დებულების თანახმად, რეგიონულ კონკურსში გამარჯვებულ მოსწავლეებს გადაეცემათ სერტიფიკატები, ხოლო დასკვნით ტურში გამარჯვებულ მოსწავლეებს სერტიფიკატებთან ერთად ფულადი ჯილდოები. პირველ ადგილზე გასულ მოსწავლეებს 875 ლარი, მეორე ადგილზე გასულებს 625 ლარი და მესამე ადგილზე გასულებს 375 ლარი. ამავე დებულების მიხედვით, სკოლებმა რესურსცენტრებში მასალები 26 ნოემბრის ჩათვლით უნდა წარადგინონ, რესურსცენტრებმა განათლებისა და მეცნიერების სამინისტროში 29 ნოემბრის ჩათვლით. რეგიონულ ტურში გამარჯვებული ნამუშევრები 3 დეკემბერს უნდა გამოვლინდეს, გამარჯვებულებს კი 10 დეკემბერს დააჯილდოვებენ.

განათლებისა და მეცნიერების სამინისტროს მხრიდან მოზარდების ფინანსური დაინტერესების მიუხედავად, ზოგიერთ სკოლაში უფროსკლასელებმა კონკურსში მონაწილეობა არ მიიღეს.

„ქართული ენისა და ლიტერატურის მასწავლებელმა გვითხრა, რომ თემა ყველამ უნდა დავწეროთ და პოლიცია შევაქოთ. არ მიყვარს პოლიცია და თემაც ვერ დავწერე. არც ჩემმა მეგობრებმა დაწერეს. კლასში 17 ბავშვი ვართ და მხოლოდ ორმა დაწერა. მასწავლებელმა გვთხოვა, უხერხულ მდგომარეობაში ნუ მაყენებთო. მერე დირექტორი ჩაერია. გვიყვირა, რომ თუ ჩვენი სკოლა კონკურსში კარგად არ წარმოჩნდება, საატესტატო გამოცდებზე არ დაგვეხმარება და პრობლემებს შეგვიქმნის“, - აღნიშნეს თელავის მუნიციპალიტეტის ერთ-ერთი საჯარო სკოლის მეთორმეტეკლასელებმა.

კიდევ ერთი უფროსკლასელის თქმით, მას პოლიცია იმიტომ არ უყვარს, რომ მამამისი უსამართლოდ დაიჭირეს. „მკვლელობის მცდელობას აბრალებენ, არადა მამას დანაშაული არ ჩაუდენია. სახლში ოთხი ბავშვი ვართ. დედა გვზრდის მარტო. მე ყველაზე უფროსი ვარ. ვცდილობ დავეხმარო, მაგრამ რაც მამა დაიჭირეს, მას შემდეგ ცხოვრება ძალიან გაგვირთულდა. თემა არ დავწერე. ვერ დავწერ“, - გვითხრა 16 წლის თ-მ.

კონკურსში მონაწილეობის მიღებაზე უარი თქვეს ყვარლის პირველი საჯარო სკოლის უფროსკლასელებმაც. „მასწავლებელმა გვთხოვა რამდენიმე დღის წინ, პოლიციაზე კარგი მასალები დაწერეთ და მომიტანეთო. დავალება არ შეგვისრულებია, რის გამოც დღეს დირექტორის სახელით მოგვთხოვეს, რომ თემები, ნახატები და ფოტოები წარვადგინოთ. გვითხრეს, რომ პოლიციის შენობის წინ პოლიციის ჰიმნი უნდა ვიმღეროთ. ბავშვებმა უარი ვთქვით და გაბრაზდნენ. მშობლები დაიბარეს“, - აღნიშნეს მოსწავლეებმა.

ყვარლის 1-ელი საჯარო სკოლის დირექტორი მოსწავლეების ბრალდებებს უარყოფს. მისი თქმით, მუქარებს ადგილი არ ჰქონია.

„ეს იყო სამინისტროდან მოსული დავალება და ჩვენ პირნათლად შევასრულეთ. ვისაც სურვილი ჰქონდა, გადავეცით. მე დავალება მომივიდა და მივეცი პედაგოგებს. ვისაც უნდა დაწერს და შეასრულებს. ცხადია, სურვილი გვაქვს, რომ ჩვენმა მოსწავლეებმა დაწერონ იმიტომ, რომ მერე სკოლას ვარსკვლავებს ანიჭებენ. თუ ჩვენს ბავშვებს მეტი მონაწილეობა ექნებათ კონკურსებში, ხომ შეიძლება ვინმე რამეში დაგვეხმაროს, ვიღაცას პოლიცია დაეხმაროს... მოზარდებს კი პოლიცია თუნდაც იმიტომ უნდა უყვარდეთ, რომ ღამე სახლში მშვიდად სძინავთ, ქუჩიდან მანქანებს აღარ იპარავენ და ა.შ. რატომ არ უნდა უყვარდეთ? ჩემი მეუღლეც პოლიციის ყოფილი უფროსია და პირადად მე მიყვარს პოლიცია“, - განაცხადა სკოლის დირექტორმა ნუნუ ტუშურმა.

კონკურსში მონაწილეობის მისაღებად მოსწავლეების დავალდებულების შესახებ განათლებისა და მეცნიერების სამინისტროში კომენტარს არ აკეთებენ.

Print Send to Friend Send to Facebook Tweet This
სახელი: უჩა
2010-11-26 08:53
ასეთი ქმედებებით პოლიციას მართლა შეაძულებენ ბავშვებს
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC