22:37, Wednesday, 02.12.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

პრეზიდენტი შოთა რუსთაველისა და ეროვნული პრემიების მინიჭებაზე გადაწყვეტილებას დამოუკიდებლად მიიღებს

10.01.2011

პრეზიდენტს შოთა რუსთაველის სახელობის და საქართველოს ეროვნული პრემიების მინიჭების გადაწყვეტილების დამოუკიდებლად მიღების შესაძლებლობა მიეცა.  ამასთან დაკავშირებით, პრეზიდენტისვე ბრძანებულება უკვე ძალაშია.

ბრძანებულების თანახმად, საქართველოს პრეზიდენტი უფლებამოსილია, შოთა რუსთაველის სახელობისა და საქართველოს ეროვნული პრემიების მინიჭების შესახებ გადაწყვეტილება მიიღოს შესაბამისი პროცედურების დაუცველად.

ზოგადად, შოთა რუსთაველის სახელობის პრემია გაიცემა არა უმეტეს სამისა, ხოლო ეროვნული პრემია გაიცემა არა უმეტეს შვიდისა, თუმცა პრეზიდენტის გადაწყვეტილებით, ეს ციფრი შეიძლება გაიზარდოს.

შოთა რუსთაველის სახელობის პრემია გაიცემა შემდეგ დარგებში: მხატვრული ლიტერატურა, მუსიკა, კინოხელოვნება, სახვითი ხელოვნება, თეატრალური ხელოვნება, არქიტექტურა, რუსთველოლოგია, სოციალური და ჰუმანიტარული მეცნიერებები.

საქართველოს ეროვნული პრემია კი გაიცემა შემდეგ დარგებში: მხატვრული ლიტერატურა, მუსიკა, კინოხელოვნება, სახვითი ხელოვნება, თეატრალური ხელოვნება, არქიტექტურა, ტელევიზია, პუბლიცისტიკა, კულტურული მემკვიდრეობა, საბუნებისმეტყველო მეცნიერებები, ჰუმანიტარული მეცნიერებები, მედიცინა, ტექნიკა.

რაც შეეხება პროცედურას, რისი გაუთვალისწინებლობის უფლებაც პრეზიდენტს ეძლევა, შოთა რუსთაველის სახელობისა და საქართველოს ეროვნული პრემიების მინიჭების ღონისძიებათა უზრუნველყოფის, კონკურსის გამოცხადების, განაცხადების მიღებისა და განხილვის, პრემიის ლაურეატთა გამოვლენის მიზნით, პრეზიდენტთან არსებული ხელოვნებისა და მეცნიერების დარგებში შოთა რუსთაველის სახელობისა და საქართველოს ეროვნული პრემიების კომისია იქმნება, რომელსაც კულტურის, ძეგლთა დაცვისა და სპორტის და განათლებისა და მეცნიერების მინისტრები ხელმძღვანელობენ.

ხელოვნებისა და მეცნიერების დარგებში შოთა რუსთაველის სახელობისა და საქართველოს ეროვნული პრემიების მოსაპოვებლად კონკურსი ყოველი წლის იანვარში ცხადდება. პრემიების მოსაპოვებლად კანდიდატთა წარდგენის უფლება აქვთ იმ სასწავლო-სამეცნიერო დაწესებულებებს, შემოქმედებით ან სხვა საზოგადოებრივ ორგანიზაციებს, რომლებიც მოღვაწეობენ ხელოვნებისა და მეცნიერების დარგებში და აქვთ შესაბამისი ავტორიტეტი და კომპეტენცია, აგრეთვე საქართველოს პარლამენტის წევრებს. გადაწყვეტილება კომისიაში კენჭისყრით მიიღება, ხოლო კონკურსის საბოლოო შედეგს და პრემიის ლაურეატთა სიას, საქართველოს პრეზიდენტი ამტკიცებს.

ინტერპრესნიუსი
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC