19:12, Monday, 14.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

დევნილების დევნა გრძელდება!

20.01.2011

სალომე აჩბა

ბოლო ინფორმაციით, დღეს ბაგების სტუდქალაქიდან დევნილთა გამოსახლებისას დაკავებული დევნილები თბილისის საქალაქო სასამართლოში გადაიყვანეს. დაკავებულთა შორის ოთხი ქალბატონია: ჯულიეტა ცინდელიანი, ირინა ფირცხელანი, ნაზი იოსელიანი და ბელა ხერგიანი. დევნილებთან ერთად პოლიციამ დააკავა დევნილთა საპროტესტო აქციების ერთ-ერთი ორგანიზატორი - „დევნილთა სამოქალაქო მოძრაობის“ თავმჯდომარე მანუჩარ სიგუა და „თავისუფალი საქართველოს“ წარმომადგენელი გია ყრუაშვილი.

გია ყრუაშვილის ადვოკატმა ნინო რამიშვილმა სასამართლოს დარბაზში შესვლა ვერ მოახერხა. სასამართლოში მისულ ადვოკატს პროცესი დაწყებული დახვდა. რამიშვილის თქმით, პროცესზე იმიტომ დააგვიანა, რომ დაკავებულის ადგილსამყოფელის დადგენას ცდილობდა.

გავრცელებული ინფორმაციით, დევნილები სტუდქალაქის ტერიტორიაზე შესვლას ცდილობდნენ, საიდანაც მათ ნათესავებს ასახლებდნენ. პოლიციამ მათ ნათესავებთან შესვლისა და დახმარების საშუალება არ მისცა. დაპირისპირებაც ამ მიზეზმა გამოიწვია.

დევნილების გამოსახლება სტუდქალაქიდან და საბაჟო დეპარტამენტის ყოფილი შენობიდან დღეს დილის 7 სთ-დან დაიწყო. საქართველოს ოკუპირებული ტერიტორიებიდან დევნილთა, განსახლებისა და ლტოლვილთა სამინისტროს ინფრომაციით, ამ შენობებში დევნილები არალეგალურად ცხოვრობდნენ და მათ ამიტომ ასახლებებ. სამინისტრო აცხადებს, რომ უბინაოდ არავის დატოვებს და გამოსახლებულ დევნილებს ალტერნატიულ საცხოვრებელ ფართს საქართველოს რეგიონებში, საკუთრების უფლებით გადასცემენ.

დევნილთა უმრავლესობა საცხოვრებლად რეგიონში გადასვლაზე უარს აცხადებს. ისინი წლებია, თბილისში ცხოვრობენ. მათი დიდი ნაწილი დედაქალაქში სწავლობს და მუშაობს.

სტუდქალაქის ტერიტორიაზე პოლიცია იქ მცხოვრები დევნილების გარდა არავის უშვებდა. დევნილთა ნათესავებისა და პოლიციის შეხლა-შემოხლის დროს პოლიციამ ათამდე ადამიანი დააკავა.

რამდენიმე საათის განმავლობაში შეუძლებელი იყო დაკავებულების ადგილსამყოფელის დადგენა. მათ ახლობლებთან და ადვოკატებთან დაკავშირების საშუალება არ მიეცათ. „შემოვიარეთ ვაკე-საბურთალოს ყველა განყოფილება. ვცდილობთ, დავადგინოთ, სად წაიყვანეს დაკავებულები“, - განაცხადა „ადამიანის უფლებათა ცენტრთან“ საუბრისას „დევნილთა საქმოქალაქო მოძრაობის“ თავმჯდომარის მოადგილე დიმიტრი ომანაძემ.

როგორც პოლიტიკური მოძრაობა „თავისუფალი საქართველოს“ წარმომადგენელმა, ლაშა ჩხარტიშვილმა გვაცნობა, ერთ-ერთი დაკავებულისგან მიიღო ინფორმაცია, რომ ისინი გაგარინის მოედანთან მდებარე პოლიციის განყოფილებაში იმყოფებოდნენ. „ადამიანის უფლებათა ცენტრის“ წარმომადგენელი პირადად მივიდა ამ განყოფილებაში, სადაც განაცხადეს, რომ დაკავებულები იქ არ იმყოფებოდნენ და სავარაუდოდ, პოლიციის მთავარ სამმართველოში უნდა გვეძებნა.

აღსანიშნავია, რომ „ინტერპრესნიუსმა“ ჯერ კიდევ 17 იანვარს გაავრცელა ინფორმაცია, რომ „დევნილთა სამოქალაქო მოძრაობის“ თავმჯდომარე მანუჩარ სიგუა და მისი მოადგილე დიმიტრი ომანიძე ხელისუფლებას დაშინებაში ადანაშაულებდნენ.

დიმიტრი ომანაძის განცხადებით, 16 იანვარს პოლიციამ ყოველგვარი საფუძველის გარეშე მას სახლში მიაკითხა: „ჩემს მშობლებს განუცხადეს, რომ მე თავი უნდა დამენებებინა აქციებისთვის და დევნილების უფლებების დაცვისთვის. ჩემი ოჯახის მსგავსად პოლიციელები იმყოფებოდნენ მოძრაობის თავმჯდომარის მანუჩარ სიგუას ოჯახშიც. ამ ფორმით ისინი ჩვენზე ზეწოლას და დაშინებას ცდილობენ“.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC