18:28, Saturday, 28.03.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ნიანგის ცრემლები

26.01.2011
პრეზიდენტი მიხეილ სააკაშვილი დევნილთა გამოსახლების პროცესს  პირველად გამოეხმაურა და განაცხადა, რომ ვიდრე საქართველოში ერთი ადამიანიც დევნილია, ქვეყანა სრულფასოვნად ვერ ჩაითვლება.

დევნილთა დღევანდელი მდგომარეობის შესახებ სააკაშვილს ახსნა-განმარტებების გაკეთება ტელეხიდში – „ხალხის შეკითხვებს პასუხობს პრეზიდენტი“, ჟურნალისტების მიერ დასმულ მწვავე შეკითხვებზე მოუწია.

როგორც პრეზიდენტმა აღნიშნა, ის ძალიან გაბრაზებული და ძალიან უბედურია; ყოველ დღე იღვიძებს იმ აზრით, რომ გამწარებულია და თავს გრძნობს სახლიდან გამოგდებულად.

„ჩემი სახლია აფხაზეთი, ჩემი მიწებია ცხინვალი და ზემოთ ხეობები, რომელიც დღეს ოკუპირებულია; არც ერთ ადამიანთან და ჯგუფთან არ მაქვს ისეთი სოლიდარობისა და სრული გაიგივების განცდა, როგორც დევნილებთან. ერთი-ორჯერ კამერამ რომ დამიჭირა ცრემლებით, ეს არც საარჩევნო დადგმა ყოფილა, როგორც ზოგიერთებს ეჩვენებათ, რომ ყველაფერი ხელოვნურია. მე მართალაც, საჯაროთაც და კამერების გარეშეც მიტირია კიდევაც ამ თემაზე და ძალიან ბევრი მიფიქრია და ბევრი უძილო ღამე გამიტარებია“, - განაცხადა სააკაშვილმა.

პრეზიდენტის თქმით, ის კიდევ ერთხელ იტყვის „მომავალ წელს სოხუმში“ და ამ სიტყვებზე არავინ უნდა გამოეკიდოს, რადგან ამას გაიმეორებს მანამ, სანამ ყველა დევნილი საკუთარ სახლში არ დაბრუნდება. „ეს არის ჩვენი აღთქმული მიწა და ეს ტკივილი არც გაყუჩდება და არც დაგვავიწყდება“, - დასძინა მან.

სააკაშვილის განცხადებით, იმის თქმა, რომ დევნილთა პრობლემას გადაწყვეტს თბილისის რომელიმე სახელმწიფო ან კერძო დაწესებულებაში შესახლება, ეს არ მოხდება და თავი არავინ უნდა მოიტყუოს.

პრეზიდენტის თქმით, ქვეყნის მასშტაბით შენდება დევნილთა დასახლებები იმ ადგილებში, სადაც იქნება ინტენსიური სამუშაო ადგილები. ასეთ ადგილებად მან ფოთი, წყალტუბო, ანაკლიასა და ფოთს შორის ზონა და ბათუმი დაასახელა. სააკაშვილმა ასევე აღნიშნა, რომ დევნილთა ნაწილმა უკვე მიიღო კომპენსაცია, ნაწილს სწრაფ ტემპში აუშენდა სახლები, 10 ათასმა კი თბილისში საცხოვრებელი ფართები დაიკანონა.

ინტერპრესნიუსი
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

შშმ მსჯავრდებულთა უფლებები პენიტენციურ დაწესებულებაში
შვიდი წელია არასამთავრობო ორგანიზაცია ადამიანის უფლებათა ცენტრში ვმუშაობ და ამდენივე წელია, რაც პენიტენციურ დაწესებულებაში მყოფ მსჯავრდებულთა უფლებრივ მდგომარეობას ვსწავლობ.
ვრცლად...
გორაშვილი vs ნაჭყებია
სიკვდილით სავსე ქალაქი
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC