18:46, Monday, 14.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ადამიანის უფლებათა ცენტრის განცხადება - პრეზიდენტმა სააკაშვილმა უნდა წარმოადგინოს სრულყოფილი ინფორმაცია, რით და როგორ დაეხმარა ვლ. პუტინს

26.01.2011

ადამიანის უფლებათა ცენტრი შეშფოთებულია საქართველოს პრეზიდენტის, მიხეილ სააკაშვილის განცხადების გამო, რომ 2004 წელს იგი დაეხმარა რუსეთის პრეზიდენტ ვლადიმერ პუტინს ჩეჩნეთის საკითხის გადაჭრაში.

„2004 წელს ჩეჩნეთის საკითხში გარდატეხას მიაღწია პუტინმა, რაშიც მე დავეხმარე. ამას შევარდნაძე არ აკეთებდა არასოდეს. შეიძლება ვიღაცამ თქვას, რომ დიდი შეცდომა მომივიდა, მაგრამ მიმაჩნია, რომ ძალადობა და არეულობა საქართველოს არ აწყობს და ლოგიკურად ვიმოქმედე“, – განაცხადა სააკაშვილმა 25 იანვარს „პირველ კავკასიურზე“ ტელეხიდის - „ხალხის შეკითხვებს პასუხობს პრეზიდენტი“ მსვლელობისას.

სააკაშვილმა დასძინა, რომ იმედი ჰქონდა, რუსეთი მადლიერებას გამოხატავდა. თუმცა, რუსეთმა, ჩეჩნეთის პრობლემის გადაწყვეტის შემდეგ, საქართველოს შეუტია.

ადამიანის უფლებათა ცენტრს მიაჩნია, რომ პრეზიდენტ სააკაშვილის განცხადება პირდაპირ თუ ირიბად დაკავშირებულია საქართველოში მცხოვრები ჩეჩენი ლტოლვილების გაუჩინარების, დაპატიმრებისა და რუსეთში ექსტრადიციის ფაქტებთან.

ცენტრი ყურადღებით სწავლობს და აკვირდება საქართველოში ჩეჩენი ლტოლვილების მდგომარეობას. ვარდების რევოლუციის შემდეგ, 2003-2010 წლებში, ადგილი ჰქონდა ჩეჩენი ლტოლვილების გაუჩინარების ფაქტებს. ერთ-ერთი ბოლო ფაქტად შეგვიძლია დავასახელოთ ჩეჩენი ლტოლვილის - საიდ ჰუსეინ-ტასბაევის გაუჩინარება, 2009 წლის ოქტომბერში.

არსებობს არც თუ უსაფუძვლო ეჭვი, რომ ზოგიერთი ჩეჩენი ლტოლვილი საქართველოს შსს-მ დაიჭირა და ყოველგვარი სასამართლოს გარეშე გადასცა რუსეთს, რომელიც თავის მხრივ, მათ ექსტრადიციას მოითხოვდა. იყო შემთხვევები, როცა ჩეჩენი ლტოლვილები ღიად დააპატიმრეს და მათი პროტესტის მიუხედავად, რუსეთს გადასცეს.

ეს ფაქტები დაწვრილებით ასახულია ადამიანის უფლებათა ცენტრის მიერ 2006 წელს მომზადებულ ანგარიშში: „დუმილი კლავს - ჩეჩენ ლტოლვილთა უფლებების შელახვა საქართველოში“.

ადამიანის უფლებათა ცენტრი მოითხოვს, პრეზიდენტმა მიხეილ სააკაშვილმა დააკონკრეტოს და საზოგადოებას მიაწოდოს სრულყოფილი ინფორმაცია, „ჩეჩნეთის საკითხში“ რით და როგორ ეხმარებოდა ვლადიმერ პუტინს და ზოგადად რუსეთის ხელისუფლებას, რომლის დანაშაულებრივი ქმედებები ჩეჩნეთში საერთაშორისო ინსტიტუტებისა თუ ორგანიზაციების მიერ მკაცრად არის დაგმობილი.

ადამიანის უფლებათა ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC