17:36, Monday, 24.02.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

პატიმართან გრძელვადიანი პაემანი 60 ლარი ეღირება

03.02.2011
გრძელვადიანი პაემნებისთვის სამვარსკვლავიანი სასტუმროს ტიპის შენობები მოეწყო. ამის შესახებ სასჯელაღსრულების, პრობაციისა და იურიდიული დახმარების მინისტრმა ხათუნა კალმახელიძემ, 3 თებერვალს ადამიანის უფლებათა დაცვის და იურიდიულ საკითხთა საპარლამენტო კომიტეტების გაერთიანებულ სხდომაზე გრძელვადიან პაემნებთან დაკავშირებული კანონპროექტის წარდგენისას განაცხადა და შესაბამისი შენობების ინფრასტრუქტურაზე ისაუბრა.

მისი თქმით, იგი გაეცნო ევროპის ბევრი ქვეყნის შესაბამის დაწესებულებას და მიაჩნია, რომ საქართველოში მოწყობილი ინფრასტრუქტურა გაცილებით უკეთესია.

კალმახელიძის განმარტებით, სამვარსკვლავიანი სასტუმროს ტიპის ოთახებში პატიმრები და მისი სტუმრები მაქსიმალურად კომფორტულად იგრძნობენ თავს. მათთვის იქნება სამჯერადი კვება, ასევე მაღაზიის მომსახურება, იქნება ეზო, ხოლო არასრულწლოვანი ბავშვებისთვის კი იქნება ცალკე საწოლი და გასართობი საშუალებები.

მინისტრის განცხადებით, იგი ძალიან ღელავს, რადგან სერიოზული და დიდი მნიშვნელობის პროექტი შედის ძალაში და ამიტომ საზოგადოებას სთხოვს, რომ თუ რაიმე ხარვეზი იქნება პროექტის დაწყებისას, „მას მიუტევონ“.

„ვღელავ, რადგან ეს არის ახალი პროექტი და სანამ ის მოიქოქება, მინდა, რომ მან ხარვეზების გარეშე ჩაიაროს“, - განაცხადა ხათუნა კალმახელიძემ.

მისი თქმით, გრძელვადიანი პაემნის ღირებულება 60 ლარი იქნება და ეს თანხა არის მინიმალური, რაც შეიძლება დაწესებულიყო: „გრძელვადიანი პაემნები უფასო რომ ყოფილიყო, მაშინ შეუძლებელი იქნებოდა ამ საშუალების ასე სწრაფად ამოქმედება“.

კალმახელიძის გამოთვლით, უფასო გრძელვადიანი პაემნები ქართულ სინამდვილეში შეიძლებოდა 10 წლის შემდეგ დანერგილიყო. მან არ გამორიცხა, რომ მომავალში გრძელვადიანი პაემნები შეიძლება უფასოც იყოს.

ინტერპრესნიუსი
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC