ახალგაზრდული ორგანიზაციები ელჩებს პოლიტპატიმრების გათავისუფლებაში დახმარებას სთხოვენ
21 თებერვალს ამერიკის შეერთებული შტატების საელჩოსთან ახალგაზრდული ორგანიზაციებმა მჯდომარე აქცია და პრესკონფერენცია გამართეს. მათ აშშ-ის ელჩს საქართველოში, ჯონ ბასს პოლიტპატიმრების გათავისუფლებაში დახმარება სთხოვეს.
მოძრაობა „არას“ ხელმძღვანელის, ლევან ჩიტაძის განცხადებით, ისინი ჯონ ბასისგან ითხოვენ ნებისმიერი ფორმით დახმარებას პოლიტპატიმრების გათავისუფლების საკითხში.
მისი თქმით, დახმარება იქნება ჯონ ბასის მხრიდან პოზიციის დაფიქსირებაც და რეკომენდაციაც ხელისუფლებისადმი, რათა საქართველოში შეწყდეს პოლიტიკური ნიშნით დევნა.
ლევან ჩიტაძის განცხადებით, საქართველოში 52 პირი პოლიტიკური ნიშნით არის დაპატიმრებული და ეს არაერთმა საერთაშორისო ორგანიზაციამ, მათ შორის „ჰუმან რაითს უოთჩმაც“ აღიარა.
აქცია ამერიკის საელჩოსთან დღის ბოლომდე გაგრძელდა.
23 თებერვალს ანალოგიური აქცია ევროკავშირის ოფისთან გაიმართება.
ინტერპრესნიუსი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
