13:23, Tuesday, 21.10.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

საქართველოს სახელმწიფო მინისტრს რეინტეგრაციის საკითხებში ქ-ნ ეკატერინე ტყეშელაშვილს

03.12.2010
ქალბატონო ეკატერინე,

საქართველოს მთავრობის მიერ 15 ოქტომბერს მიღებული დადგენილება „ოკუპირებულ ტერიტორიებზე საქმიანობის წარმართვის წესების დამტკიცების შესახებ“, რომელიც აფხაზეთის და სამხრეთ ოსეთის ტერიტორიებზე საერთაშორისო და ადგილობრივ არასამთავრობო და ჰუმანიტარული ორგანიზაციების საქმიანობის კონტროლის წესებს განსაზღვრავს, უკვე ნეგატიურად აისახა  კონფლიქტურ ზონებში მიმდინარე პროექტებზე.

სახელმწიფოს მიერ სამოქალაქო სექტორის საქმიანობაში ამ ფორმით ჩარევა საბაბს აძლევს დე-ფაქტო რეჟიმებს, თავის მხრივ, შეზღუდონ თავიანთი კონტროლის ქვეშ მყოფ ტერიტორიებზე საზოგადოებებს შორის ნდობის აღდგენაზე მიმართული პროექტები და საფრთხის ქვეშ აყენებს იმ ადამიანებს და ორგანიზაციებს, ვინც აქამდე მზადყოფნას გამოხატავდნენ ქართულ ან საერთაშორისო ორგანიზაციებთან თანამშრომლობაზე. ამის შესახებ ჩვენი კოლეგები აფხაზეთში და სამხრეთ ოსეთში არაფორმალურად უკვე საუბრობენ.

საქართველოს ხელისუფლება ყოველთვის ხაზს უსვამს სახალხო დიპლომატიის მნიშვნელობას კონფლიქტების სრულფასოვნად დარეგულირებისთვის, ეს ასევე ხაზგასმულია სახელმწიფო სტრატეგიაში ოკუპირებული ტერიტორიების მიმართ: თანამშრომლობა ჩართულობის გზით. სამოქალაქო სექტორმა მრავალწლიანი მუშაობის შედეგად მოახერხა კონფლიქტურ რეგიონებში მომუშავე ორგანიზაციების ნდობის მოპოვება და ბოლო წლებში მომხდარი მოვლენების მიუხედავად მისი შენარჩუნება. 

მიგვაჩნია, რომ ამ ნდობის შენარჩუნებას და გარღმავებას დიდი მნიშვნელობა აქვს კონფლიქტების სრულფასოვნად დარეგულირებისთვის. მოგმართავთ როგორც აღნიშნული კონტროლის განმხორციელებელი უწყების ხელმძღვანელს და გამოვხატავთ მზადყოფნას, შეგხვდეთ და გაგაცნოთ ადგილობრივი და საერთაშორისო სამოქალაქო საზოგადოების ხედვა იმ საფრთხეებზე, რასაც შეიცავს აღნიშნული რეგულაცია.


პატივისცემით,

კონფლიქტებისა და მოლაპარაკების საერთაშორისო ცენტრი (ICCN)
გიორგი ხუციშვილი

ომისა და მშვიდობის გაშუქების ინსტიტუტი (IWPR)
გიორგი კუპატაძე

ასოციაცია ‘მშვიდობიანი და საქმიანი კავკასია”-ს თავმჯდომარე
ალუ გამახარია


ადამიანის უფლებათა ცენტრი
საქართველოს ახალგაზრდა იურისტთა ასოციაცია (საია)
თბილისის ადამიანის უფლებათა სახლი
 ქართულ-აფხაზური შერეული ოჯახები
 კონსტიტუციის 42-ე მუხლი
 კავშირი „საფარი“ – ოჯახი ძალადობის გარეშე
 კავკასიური სახლი
 ნაციონალიზმისა და კონფლიქტების კვლევის ინსტიტუტი (ISNC)
 საქველმოქმედო ჰუმანიტარული ცენტრი „აფხაზეთი“ (CHCA)
 ადამიანის უფლებებისა და კონფლიქტების კვლევის კავკასიური ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორ აფასებთ თბილისის ყოფილი მერის, გიგი უგულავას დაკავებას?
დააკავეს რეალური დანაშაულისათვის, საპროცესო ნორმების დაცვით დააკავეს რელური დანაშაულისათვის, მაგრამ საპროცესო ნორმების დარღვევით დააკავეს არარეალური ბრალდებით, პოლიტიკური მოტივებით მიჭირს პასუხის გაცემა

ბლოგი

მოჩვენებითი მშვიდობა ბალკანეთში
ხანგრძლივი და რთული მოსამზადებელი პერიოდის, წვალების შემდეგ 30 ივლისს სარაევოში ჩავფრინდით. ცუდი მეტეოპირობების გამო, დაფრენის დროს განცდილი დიდი შიშის მიუხედავად, თვითმფრინავის ილუმინატორიდან სარაევოს
ვრცლად...
მშიერი კომისიის წევრები და გაბრაზებული თავმჯდომარეები ბათუმში
ბეჭედი ნაკვეთურის გარეშე და ორსახელიანი ამომრჩეველი გურიაში
არქივი
    

რედაქტორის აზრი

რა დაემართა სამართლიანობის აღდგენის ოცნებას
"მართლმსაჯულების ხარვეზები“ - რბილად ასე ვუწოდებთ იმ სისტემურ პრობლემებს, რაც ქართულ მართლმსაჯულებას ექს-პრეზიდენტ მიხეილ სააკაშვილის მმართველობის წლებში ახასიათებდა. 
ვრცლად...
პატიმართა მასობრივი პროტესტის მიზეზები
შემოდგომის ბუზი
არქივი
თემები
კატეგორიები

Copyright © 2004 - 2014 HRIDC