00:13, Wednesday, 23.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სასამართლომ სოზარ სუბარის ნათესავი გაამართლა

01.03.2011
„ქართული პარტიის“ თავმჯდომარის სოზარ სუბარის ნათესავის გენადი სუბარის მიმართ სასამართლომ გამამართლებელი განაჩენი გამოიტანა.

განაჩენის გამოცხადებას თბილისის საქალაქო სასამართლოში ჟურნალისტები და ტელეკამერებიც დაასწრეს. სუბარის ადვოკატმა ირმა ჭკადუამ განაცხადა, რომ განაჩენი სამართლიანია და ამ საქმეზე სხვა შედეგის დადგომა არც შეიძლებოდა. მისი თქმით, დაამტკიცეს, რომ გენადი სუბარი უდანაშაულო იყო. მოსამართლე ზვიად ესებუას განაჩენით კმაყოფილია თავად გამართლებულიც. გენადი სუბარმა განაცხადა, რომ სასამართლოში სიმართლის დამტკიცება მოახერხა.

განაჩენის გამოცხადების შემდეგ თბილისის საქალაქო სასამართლოში ბრიფინგი გაიმართა. როგორც სპიკერმა მოსამართლემ ეკა არეშიძემ აღნიშნა, გენადი სუბარს ბრალი ქურდობაში ედებოდა. კერძოდ, დაბა წყნეთში, გურამიშვილის ქუჩა #3-ში მდებარე ტყე-პარკის დამცავი ღობის რკინის ორფრთიანი კარების ფარულ დაუფლებაში, რაც 2010 წლის 24 ივნისს სამართალდამცავებმა გენადი სუბარის საცხოვრებელი სახლის ეზოდან ამოიღეს.

„გენადი სუბარმა მისთვის შერაცხულ ინკრიმინირებულ ქმედებაში თავი არ ცნო დამნაშავედ და განმარტა, რომ რკინის კარები იყო ჩამოტეხილი და იმ მიზნით, რომ არ მომხდარიყო გარეშე პირთა მიერ მისი მართლსაწინააღმდეგო დაუფლება, ის აღნიშნულ კარებს საცხოვრებელი სახლის ეზოში ინახავდა. სასამართლო სხდომაზე მოწმის სახით დაკითხულმა განსასჯელის მეზობლებმა სრულად დაადასტურეს გენადი სუბარის ჩვენება. განაჩენის დადგენისას სასამართლომ მხედველობაში მიიღო აღნიშნული ჩვენებები, ასევე საქმის არსებითი განხილვისას გამოკვლეული სხვა მტკიცებულებები, რაც არ აღმოჩნდა საკმარისი წარდგენილი ბრალდებით პირის დამნაშავედ ცნობისთვის. შესაბამისად, თბილისის საქალაქო სასამართლომ გენადი სუბარი უდნაშაულოდ სცნო წარდგენილ ბრალდებაში და მის მიმართ გამამართლებელი განაჩენი დაადგინა“, - განაცხადა ეკა არეშიძემ.

გენადი სუბარს აღმკვეთ ღონისძიებად გირაო ჰქონდა შეფარდებული.

ინტერპრესნიუსი
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC