08:21, Wednesday, 03.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

აშშ და ევროკავშირი საქართველოს შრომის ბაზარზე არსებული ვითარებით შეშფოთებული არიან

02.03.2011
ამერიკის შეერთებული შტატები და ევროკავშირი საქართველოს შრომის ბაზარზე არსებული ვითარებით შეშფოთებული არიან. ამის შესახებ ამერიკის პროფკავშირების გამომძიებელმა, ჯეკ ვოგთმა პროფესიული კავშირების გაერთიანების ცენტრალურ ოფისში გამართულ პრესკონფერენციაზე განაცხადა.

მისი თქმით, შეშფოთებას იწვევს საქართველოში შრომის ბაზარზე არსებული ვითარება.

როგორც ვოგთი აცხადებს, საქართველოში არსებული შრომის კოდექსი მკაცრად გააკრიტიკეს საერთაშორისო ორგანიზაციებმა, რაც საფუძველი გახდა იმისა, რომ ამერიკის პროფკავშირების კონფედერაციამ შტატების ხელისუფლებას მიმართა და საქართველოსთვის GSP+-ის, ანუ „ექსპორტის ხელშეწყობის პროგრამის“ შეჩერება სთხოვა.

„ევროკავშირი შეშფოთებულია იმით, რაც საქართველოში ხდება და კითხვის ნიშნის ქვეშ აყენებს, რამდენად აქვს საქართველოს GSP+-ით სარგებლობის უფლება“, - განაცხადა ჯეკ ვოგთმა. მისივე თქმით, ის საქართველოში ჩამოვიდა, რათა ადგილზე შეისწავლოს ვითარება და ყველა ის საქმე გამოიძიოს, რომელიც საჩივარშია მოხსენებული.

„საჩივრის მიზანია, დავიწყოთ დიალოგი საქართველოს მთავრობასთან, რათა მთავრობამ კონკრეტული ნაბიჯები გადადგას სიტუაციის გამოსასწორებლად. საქართველოს მთავრობამ უნდა იცოდეს, რომ თუ სიტუაციის გამოსასწორებლად არაფერს გააკეთებს, მივმართავთ ამერიკის შეერთებული შტატების მთავრობას, მოუხსნას შეღავათები საქართველოს“, - განაცხადა ჯეკ ვოგთმა.

მისივე თქმით, საქართველოში რეფორმის შედეგად მიღებული შრომის კოდექსი არ შეესაბამება სტანდარტებს და ის უნდა შეიცვალოს. „შრომის კოდექსი ვერ უზრუნველყოფს, რომ დასაქმებულები უმიზეზოდ არ გაათავისუფლონ და დარღვეულია ისეთი ფუნდამენტური უფლება, როგორიც არის გაფიცვის უფლება. ამ კანონმდებლობით, პრაქტიკულად, ეს უფლება უგულვებელყოფილია“, - განაცხადა ჯეკ ვოგთმა.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

სექსუალური უმცირესობები საქართველოს ციხეებში
ბლოგი შექმნილია ევროკავშირის მიერ დაფინანსებული პროექტის „სასჯელაღსრულებისა და პრობაციის რეფორმების ხელშეწყობა და მონიტორინგი სამოქალაქო საზოგადოების ჩართულობით“ ფარგლებში, რომელსაც ახორციელებს ორგანიზაცია „ციხის საერთაშორისო რეფორმა“
ვრცლად...
უჩინარი მტერი
აპოკალიფსი არ იქნება
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC