08:57, Wednesday, 03.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ყაზახური „სილქროუდ ჯგუფი“ საქართველოდან მიდის

02.03.2011
ყაზახურმა „სილქროუდ ჯგუფმა“ საქართველოში წარმომადგენლობა გააუქმა. კომპანიაში „პირველს“ დაუდასტურეს, რომ „საქართველოში
„სილქროუდ ჯგუფის“ წარმომადგენლობა ლიკვიდირებულია“.

„კომპანიის წარმომადგენლობის ლიკვიდაცია 2010 წლის ბოლოს განხორციელდა. ამის კონკრეტულ მიზეზებს კი ვერ გეტყვით“, - განუცხადეს „პირველს“ კომპანიაში და დასძინეს, რომ „სილქროუდი“ უკვე არსებულ პარტნიორებთან კავშირის გაწყვეტას არ აპირებს.

ამასთან, რა ბედი ეწევა საქართველოში „ტრამპ თაუერის“ მშენებლობას, რომელიც „სილქროუდს“ უნდა განეხორციელებინა, კომპანიაში არ აკონკრეტებენ. თუმცა აცხადებენ: „ამერიკელ მილიარდერ დონალდ ტრამპსა და დეველოპერულ კომპანია „სილქროუდ ჯგუფს“ შორის გასულ წელს გაფორმებული მემორანდუმი თბილისში საცხოვრებელი სახლის აშენებას არ გულისხმობდა“.

„თქვენ ნამდვილად იცით იმ მემორანდუმის შინაარსი, რომელიც გაფორმდა?! დოკუმენტი მხარეებს შორის თანამშრომლობას და პროექტების განხილვას გულისხმობდა და არა უშუალოდ კომპლექსის მშენებლობას, თუმცა საქართველოში წარმომადგენლობის გაუქმება თანამშრომლობას ხელს არ შეუშლის“, - განაცხადეს კომპანიის წარმომადგენლობაში.

ამასთან, თბილისში „ტრამპ თაუერის“ მშენებლობასთან დაკავშირებით „სილქროუდ ჯგუფს“ მერიის არქიტექტურის სამსახურში განაცხადი ამ დრომდე არ შეუტანია.

პროექტთან დაკავშირებულ ინფორმაციას არც საქართველოს ეკონომიკისა და მდგრადი განვითარების სამინისტროში ფლობენ.

შეგახსენებთ, რომ 2010 წლის 22 სექტემბერს პრეზიდენტ სააკაშვილის ინიციატივით, დონალდ ტრამპმა დეველოპერულ კომპანია „სილქროუდ ჯგუფთან“ თბილისში საცხოვრებელი სახლის მშენებლობის შესახებ ხელშეკრულებას მოაწერა ხელი.

ცნობისთვის, „სილქროუდ ჯგუფი“ დარეგისტრირებულია, როგორც სავაჭრო მარკა, რომელიც ჯგუფში შემავალი კომპანიების მიერ განხორციელებულ საქმიანობაში გამოიყენება. ჰოლდინგი „სილქროუდი“ მასში შემავალი კომპანიების ინტერესების კონსოლიდირებისთვისაა დაარსებული. აღნიშნული ინტერესები მოიცავს: ინფრასტრუქტურის, ტრანსპორტირებისა და სავაჭრო სფეროებს, საკვები პროდუქციის ბაზარს, უძრავ ქონებას, ფინანსურ მომსახურებას, ინვესტიციებს და კორპორატიულ სერვისებს.

„სილქროუდ ჯგუფი“ საქართველოში სასტუმრო „რედისონ ბლუ ივერიის“ მფლობელია.

საინფორმაციო სააგენტო „პირველი“

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

სექსუალური უმცირესობები საქართველოს ციხეებში
ბლოგი შექმნილია ევროკავშირის მიერ დაფინანსებული პროექტის „სასჯელაღსრულებისა და პრობაციის რეფორმების ხელშეწყობა და მონიტორინგი სამოქალაქო საზოგადოების ჩართულობით“ ფარგლებში, რომელსაც ახორციელებს ორგანიზაცია „ციხის საერთაშორისო რეფორმა“
ვრცლად...
უჩინარი მტერი
აპოკალიფსი არ იქნება
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC