08:58, Tuesday, 22.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სამძიმარი და თანადგომა იაპონელ ხალხს

17.03.2011

სოფო გეწაძე

იაპონიაში მომხდარ ტრაგედიას ქართული არასამთავრობო სექტორი გამოეხმაურა. არასამთავრობო ორგანიზაციების წარმომადგენლები 15 მარტს თბილისში იაპონიის საელჩოს წინ შეიკრიბნენ და იაპონელ დიპლომატს სამძიმრისა და თანადგომის წერილი გადასცეს.

შეკრების ერთ-ერთი ინიციატორის, „მრავალეროვანი საქართველოს“ წარმომადგენლის, არნოლდ სტეფანიანის თქმით, შეკრების მთავარი მესიჯი იაპონელი ხალხისთვის თანაგრძნობის გამოცხადებაა: „ჩვენ, საქართველოს მოქალაქეები, მზად ვართ, დავეხმაროთ იაპონელ ხალხს იმ ფორმით, რასაც იაპონიის საელჩო აირჩევს. მზად ვართ, წავიდეთ იაპონიაში. მზად ვართ, თუ იქნება საჭირო, ჰუმანიტარული დახმარება  აქ მოვაგროვოთ“.

არასამთავრობო ორგანიზაციების წარმომადგენელთა ინფორმაციით, საქართველოდან იაპონელი ხალხის დასახმარებლად უკვე გაემგზავრნენ სამუშაო ჯგუფები. საელჩოს წინ შეკრებილმა საზოგადოებამ კი საჭიროების შემთხვევაში მზადყოფნა გამოთქვა ნებისმიერ დროს გაემგზავროს ტრაგედიის ადგილას.

საელჩოს წინ შეკრებილებს საქართველოში იაპონიის ელჩის მოადგილე შეხვდა და თანადგომისთვის მადლობა გადაუხადა.

„თავდაპირველად მე მქონდა ინფორმაცია, რომ აქ შეკრებას 70 ადამიანი აპირებდა, მაგრამ აღმოჩნდა, რომ 70-მდე არასამთავრობო ორგანიზაციას ჰქონდა სურვილი გამოეხატა თანაგრძნობა იაპონელი ხალხის მიმართ. მოხარული ვარ, რომ ქართველი ხალხი გამოხატავს ასეთ გულთბილ თანადგომას და უსამძიმრებს თითოეული იაპონელის ოჯახს“, - აღნიშნა საქართველოში იაპონიის ელჩის მოადგილემ, ისამო აზიჩიმ.

იაპონიის საელჩოს წინ შეკრებილებმა სანთლები დაანთეს და პატივი მიაგეს დაღუპულთა ხსოვნას.

უკანასკნელი მონაცემებით, რომელიც ჯერ კიდევ არ არის სრულყოფილი - 2011 წლის 11 მარტს იაპონიაში მომხდარი მიწისძვრისა და ცუნამის შედეგად 10 000-მდე ადამიანი დაიღუპა.


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC