17:30, Saturday, 19.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

საქართველოს პენ-ცენტრის განცხადება

24.03.2011

დღეს, 23 მარტს, საქართველოს ნაციონალური მაუწყებლობებით გავრცელდა პრეზიდენტის განცხადება, რომელიც შეეხებოდა მწერალ ზაზა ბურჭულაძის მიერ ქალაქ ქუთაისში გამართულ ქართველი მწერლების ანთოლოგიის პრეზენტაციაზე წარმოთქმულ რეპლიკას.
 
საქართველოს პენ-ცენტრი შეშფოთებას გამოთქვამს პრეზიდენტის ხსენებული განცხადების პათოსის გამო, რომელიც უნებლიეთ გვახსენებს უახლეს წარსულს, როდესაც საბჭოთა ოფიციოზი რეგლამენტირებდა და არეგულირებდა მწერლის ენას და მის ურთიერთობას მკითხველთან, როდესაც პოლიტიკოსები მიუთითებდნენ მწერალს, თუ რა თემაზე ელაპარაკა და როგორ; რა უნდა მოსწონებოდა და რა არა, რისი დანახვა იყო მართებული და რისი არა, სახელმწიფოს აღმშენებლობის პროცესში.
 
საბჭოთა პერიოდში, ლიტერატურის მოთვინიერებისა და სოციალიზაციის მიზნით, მწერლები იგზავნებოდნენ საბჭოთა კოლმეურნეობებში, ჰესების და ელექტროსადგურების მშენებლობებზე, სამხედრო ნაწილებში, დამკვრელური ტემპით განვითარებად სოფლებში, დაბებსა თუ ქალაქებში, რათა თვალნათლივ დაენახათ და ხოტბა შეესხათ საბჭოთა სახელმწიფოს „მიღწევებისათვის“.

პრეზიდენტის 23 მარტის გამოსვლა უსიამოვნო ასოციაციას გვიჩენს ხსენებულ დროსთან. 21-ე საუკუნეში საქართველოს პრეზიდენტი არ უნდა მიუთითებდეს ამა თუ იმ მწერალს, რომელი მშენებარე თუ დასრულებული შენობა-ნაგებობების დანახვა და დაფასებაა აუცილებელი.
 
ქვეყანაში, სადაც პრეზიდენტის გამონათქვამებს გაცილებით დიდი გავლენა აქვს, ვიდრე სახელმწიფო ინსტიტუციებს, ვშიშობთ, რომ მსგავსმა  განცხადებებმა  შესაძლოა ზიანი  მიაყენოს, როგორც მწერალ ზაზა ბურჭულაძეს, ასევე მის სხვა კოლეგებს. იმედს ვიტოვებთ, რომ მომავალში პრეზიდენტი პოლიტიკური ტრიბუნიდან აღარ შეაფასებს, აღარ დაახასიათებს და დაახარისხებს მწერლებს, ასევე არ მიაყენებს მათ შეურაცხყოფას ნაციონალური მაუწყებლობებიდან.
 
ასევე, ვფიქრობთ, რომ ტელეკომპანია „იმედის“ 23 მარტის „ქრონიკის“ სიუჟეტი იყო ტენდენციური და პროვოცირებას უწევდა კონფლიქტის წარმოშობას ლიტერატორებს შორის. 

საქართველოს პენ-ცენტრი
23 მარტი, 2011 წ.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC