ახმეტის მუნიციპალიტეტის საკრებულომ მიწის გადასახადი 39 ლარიდან 82 ლარამდე გაზარდა. საკრებულოს გადაწყვეტილებას მხარი მხოლოდ რესპუბლიკური პარტიიდან საკრებულოს წევრმა ზაქარია ქინქლაძემ არ დაუჭირა. მისი თქმით, თუ მთავრობას სოფლის მეურნეობის განვითარება უნდა, მიწის გადასახადი არ უნდა გაორმაგებულიყო.
„თუ ხელისუფლება ცდილობს სოფლის მეურნეობის განვითარებას, ხალხის დასაქმებას და ეკონომიკის შექმნას, მაშინ გარკვეული გადასახადები და მითუმეტეს მიწის გადასახადი არ უნდა გაიზარდოს. სახნავი, რომლის გადასახადიც წელიწადში 82 ლარი გახდა, როცა საწვავი ღირს 2 ლარზე მეტი, სათესლე ხორბალი ღირს 1 დოლარი, სათესლე სიმინდი ღირს 18 ლარი, როცა არ არის შესაბამისი გამოყენებადი ტექნიკა, მოუწყობელია სარწყავი სისტემა, არ ხდება შხამ-ქიმიკატების ხარისხის კონტროლი, გლეხებს არ შეუძლიათ მიიღონ კვალიფიციური სეზონური კონსულტაციები და მარტო გადასახადს ზრდი, სოფლის მეურნეობა ვერ განვითარდება“, - აღნიშნა ზაქარია ქინქლაძემ.
კახეთის საინფორმაციო ცენტრი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
