გურჯაანის რაიონის სოფელ კოლაგის მოსახლეობას 10 დღეა ელექტროენერგია არ მიეწოდება. როგორც ადგილობრივებმა კახეთის საინფორმაციო ცენტრს აცნობეს, „კახეთის ენერგოდისტრიბუციამ“ აბონენტებს 50-დან 220 ლარამდე დანამატები დააკისრა, რომლის გადაუხდელობის გამო კომპანიამ სოფელს ელექტროენერგიის მიწოდება შეუწყვიტა.
ს/ს „კახეთის ენერგოდისტრიბუციის“ გურჯაანის სერვის - ცენტრში განაცხადეს, რომ კოლაგის მოსახლეობა ცუდი გადამხდელია და ვიდრე დავალიანებას არ დაფარავენ, ელექტროენერგიის მიწოდება არ აღუდგებათ.
კოლაგის მაცხოვრებლების თქმით, ისინი საპროტესტო აქციის გამართვას გეგმავდნენ, თუმცა პოლიციიდან დაემუქრნენ, რომ აქციის გამართვის შემთხვევაში ორგანიზატორებს დააკავებდნენ. ამ საკითხზე შს გურჯაანის სამმართველოში კომენტარს არ აკეთებენ.
აღსანიშნავია, რომ 2010 წლის 27 ნოემბერს, გურჯაანის რაიონის ვაზისუბანში მცხოვრებმა 100-მდე ადამიანმა ს/ს „კახეთის ენერგოდისტრიბუციის“ წინააღმდეგ საპროტესტო აქცია გამართა. მოსახლეობა ელექტროენერგიის მიწოდების აღდგენას ითხოვდა, რა დროსაც პოლიციამ აქციის სამი მონაწილე უკანონოდ დააკავა. მიუხედავად ამისა, სასამართლომ დაკავებულებს ადმინისტრაციული პატიმრობა შეუფარდა.
კახეთის საინფორმაციო ცენტრი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
