02:42, Sunday, 15.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ნინო კალანდაძე: „აშშ-ს სახელმწიფო დეპარტამენტის ანგარიშის ნაწილს ქართული მხარე არ ეთანხმება“

11.04.2011
„აშშ-ს სახელმწიფო დეპარტამენტის მიერ სხვა ქვეყნების შეფასებებს თუ გავეცნობით, საქართველოსთან მიმართებაში ეს დახასიათება უდავოდ ძალიან პროგრესულია“. ამის შესახებ საგარეო საქმეთა მინისტრის მოადგილემ, ნინო კალანდაძემ აშშ-ს სახელმწიფო დეპარტამენტის ანგარიშის შეფასებისას განაცხადა.

მისივე თქმით, ანგარიში ასახავს იმ პროგრესს, რაც საქართველოში ბოლო წლების განმავლობაში ხორციელდება, თუმცა მინისტრის მოადგილის განცხადებით, ანგარიშის ნაწილს ქართული მხარე არ ეთანხმება.

„ჩვენთვის ყველა ანგარიში, რომელსაც ჩვენი მეგობრები რეკომენდაციის სახით გვიწევენ, საყურადღებოა. ქართული მხარე მიესალმება ნებისმიერ კვალიფიციურ ანგარიშს განურჩევლად იმისა, რა საკითხებს შეეხება ეს ანგარიში. ეს ანგარიში შეიცავს ასახვას იმ პროგრესისა, რომელიც საქართველოში დაფიქსირდა და მიესალმება იმ პროგრესს, რომელიც ხორციელდება გასული წლების განმავლობაში“, - განაცხადა კალანდაძემ. მისივე თქმით, მისაღებია ასევე ის კრიტიკაც, რომელიც ანგარიშშია ასახული.

მინისტრის მოადგილის განმარტებით, ანგარიშში ყველაზე მნიშვნელოვანი იყო ის, რომ მკაფიოდ არის ხაზგასმული ვითარება ოკუპირებულ ტერიტორიებზე და ამ საკითხთან მიმართებაში აშშ-სა და საქართველოს პოზიცია ერთმანეთს ემთხვევა.

„ეს ეხება ადამიანის უფლებების დარღვევებს ოკუპირებულ ტერიტორიებზე და იმ საკითხს, რომ ოკუპირებულ ტერიტორიებზე საერთაშორისო სადამკვირვებლო ჩართულობა უნდა გაძლიერდეს“, - განაცხადა ნინო კალანდაძემ.

მისივე თქმით, აშშ-ს სახელმწიფო დეპარტამენტმა სხვა ქვეყნებთან მიმართებაში გაცილებით კრიტიკული ანგარიში წარმოადგინა.

„თუ გაეცნობით სხვა ქვეყნების შეფასებებს, მე თავს შევიკავებ ამ ქვეყნების დასახელებისაგან, საქართველოსთან მიმართებაში ეს დახასიათება უდავოდ ძალიან პროგრესულია“, - განაცხადა კალანდაძემ.

აშშ-ს სახელმწიფო დეპარტამენტმა საქართველოში ადამიანის უფელებების მდგომარეობის შესახებ 2010 წლის ანგარიში გამოაქვეყნა. დოკუმენტში ნათქვამია, რომ გასულ წელს საქართველოში ირღვეოდა ადამიანის ძირითადი უფლებები, მათ შორის პატიმრების, იძულებით გადაადგილებულ პირთა უფლებები. პრობლემათა შორის ასევე დასახელებულია კანონის შერჩევითი გამოყენება, მედიაზე ზეწოლა, მთავრობაში მაღალი თანამდებობის პირების კურუფცია და ოკუპირებულ ტერიტორიებზე, უმთავრესად ეთნიკური ქართველების უფლებების დარღვევის ფაქტები.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC