პორტალი ადამიანის უფლებების შესახებ
ახალგორელი თამარ მეარაყიშვილი პრემიერს სამართლიანი გადაწყვეტილების მიღებისკენ მოუწოდებს
11.05.2011
ახალგორელი თამარ მეარაყიშვილი პრემიერ მინისტრს მიმართავს და სამართლიანი გადაწყვეტილების მიღებისკენ მოუწოდებს. მეარაყიშვილი საქართველოს პრემიერ მინისტრს, ნიკა გილაურს სამართლიანობას სთხოვს, როცა იგი დევნილთა კომპენსაციების შესახებ ადმინისტრაციულ საჩივარზე გადაწყვეტილებას მიიღებს.
თამარ მეარაყიშვილის განმარტებით, მან მთავრობის კანცელარიას მიმართა ადმინისტრაციული საჩივრით, რითაც კუთვნილი 10 ათასი დოლარის ოდენობის კომპენსაციას ითხოვს.
„მაქვს 14-კაციანი სია იმ ადამიანებისა, რომელთა კუთვნილი 10 ათას დოლარიანი კომპენსაცია ხელისუფლების წარმომადგენელთა ოჯახების წევრებმა რაიონის გამგებლის მითითებით აიღეს. ამის საფუძვლად სახელდება ის, რომ თითქოსდა თავდაპირველმა ადრესატებმა კომპენსაციის აღებაზე უარი განაცხადეს. თუმცა, უარი არსად არ არის დაფიქსირებული. ასევე გაუგებარია, რატომ უნდა აეღოთ ამ ადამიანების კუთვნილი თანხა სწორედ ხელისუფლების წარმოამდგენლების ოჯახების წევრებს. ამ სიაში აღმოვჩნდი მეც და ჩვენს ოჯახთან დაკავშირებით პრემიერმა უახლოეს დღეებში უნდა მიიღოს გადაწყვეტილება. მოვუწოდებ პრემიერს, სამართლიანი გადაწყვეტილება მიიღოს და აღარ დაუშვას პრაქტიკა, რასაც წლების განმავლობაში ჰქონდა ადგილი. აქ სახეზეა ელიტური კორუფცია და ნუ ეცდებიან, რომ ელიტური დევნილობაც შექმნან“, - განაცხადა თამარ მეარაყიშვილმა.
იგი ასევე კითხვით მიმართავს ახალგორის რაიონის გამგეობას - რის საფუძველზე მიიღეს აღნიშნული გადაწყვეტილება. ამასთან, თამარ მერაყიშვილი აცხადებს, რომ ხელისუფლების წარმომადგენელთა ახლობლებმა კომპენსაცია ომის შემდეგ ორჯერ აიღეს.
იგი ადასტურებს, რომ კომპენსაცია იმ პირებისთვის იყო გათვალისწინებული, რომელთაც რუსეთ-საქართველოს ომის შედეგად საცხოვრებელი დაკარგეს და უკან დაბრუნების საშუალება არ აქვთ.
„ამჟამად ახალგორში ვცხოვრობ და შესაძლოა, მიპასუხონ, რომ ეს კომპენსაცია აღარ მეკუთვნის, მაგრამ ფაქტია, რომ ხელისუფლებამ ეს თანხა საერთაშორისო თანამეგობრობისგან ჩემს სახელზე მიიღო. მზად ვარ, კომპენსაციისთვის სტრასბურგის სასამართლოშიც კი ვიბრძოლო და შემდეგ ეს თანხა ლიახვის ხეობიდან დევნილ რომელიმე ისეთ ოჯახს გადავცე, რომლებმაც მართლაც დაკარგეს საცხოვრებელი და კომპენსაცია მაინც ვერ აიღეს“, - განაცხადა თამარ მეარაყიშვილმა.
ინტერპრესნიუსი
დატოვეთ თქვენი კომენტარი
სხვა სიახლეები
„არა ძალადობას“ - აქცია ბათუმში
საქართველო "საუკეთესო ქვეყნები დედობისთვის" რეიტინგში 94-ე ადგილზეა
რუსთავში დანაშაულის აღკვეთისას მოქალაქე დაიჭრა
GNCC-ის წევრებმა გასულ წელს პრემიის სახით 331 ათასი ლარი მიიღეს
პარლამენტის თავმჯდომარემ დაცვის წევრების ქმედებებზე ისაუბრა
არქივი
ბლოგი
ქართული პოლიტიკური რეკლამის ისტორიული ექსკურსი
2005 წელს ამერიკელმა მკვლევარებმა დაადგინეს, რომ სატელევიზიო პოლიტიკურ რეკლამებს ამომრჩევლის ნების ფორმირებაზე მხოლოდ ხანმოკლე (ასე - ორკვირიანი), ზეგავლენის მოხდენა შეუძლია.ვრცლად...
წინასაარჩევნო სარეკლამო დაპირებები
პოლიტიკური რეკლამების ხარისხი და მიზანი
რედაქტორის აზრი
ადამიანის უფლებათა ცენტრი მაღალჩინოსნების სასამართლო პროცესებს დააკვირდება
ადამიანის უფლებათა ცენტრი იწყებს ახალი პროექტის განხორციელებას, რომლის ფარგლებშიც, ცენტრის იურისტები და ჟურნალისტები ყოფილი მაღალჩინოსნების სასამართლო პროცესებს მონიტორინგს გაუწევენ. ვრცლად...
საერთაშორისო ზეწოლის შედეგად სახელმწიფო აუდიტმა და აღსრულების ეროვნულმა ბიურომ რეპრესიები შეაჩერეს
აგვისტოს ომი - ვინ არის დამნაშავე?
გამოკითხვა
თქვენი აზრით, პარლამენტის მიერ ცოტა ხნის წინ გათავისუფლებული პოლიტპატიმრები იმსახურებდნენ თუ არა განთავისუფლებას?