უსაფრთხოების ღვედის გარეშე მანქანის მართვის და სხვა დარღვევების მიზეზით, კახეთში 9 მაისის საპროტესტო აქციის მონაწილეებს მასობრივად აჯარიმებენ. კახეთის საინფორმაციო ცენტრის ინფორმაციით, ამ დროისთვის დაჯარიმებულია 15-ზე მეტი მძღოლი, რომელიც საპროტესტო აქციებში მონაწილეობდა.
ერთ-ერთი მათგანი ზურაბ თერგიაშვილი ამბობს, რომ შს გურჯაანის სამმართველოს თანამშრომლებმა ის სოფელ ველისციხეში, საუბნო გზაზე დააჯარიმეს. „უსაფრთხოების ღვედი გადაჭერილი მქონდა, მაგრამ უფროსისგან ასეთი დავალება გვაქვსო და 40 ლარით დამაჯარიმეს“, - აღნიშნა ზურაბ თერგიაშვილმა.
შს სამინისტროს საპატრულო პოლიციის დეპარტამენტის კახეთის სამმართველოში და პოლიციის რაიონულ განყოფილებებში საპროტესტო აქციების მონაწილეების დაჯარიმების შესახებ კომენტარს არ აკეთებენ.
იხილეთ ვიდეო
კახეთის საინფორმაციო ცენტრი