ჯანმრთელობის მდგომარეობის გაუარესების გამო თელავის დროებითი მოთავსების იზოლატორიდან პატიმარი მამუკა ჩალაბაშვილი კატასტროფის ცენტრის ბრიგადამ თბილისის საავადმყოფოში გადაიყვანა. როგორც კახეთის საინფორმაციო ცენტრს ჩალაბაშვილის ადვოკატმა მარეხ მგალობლიშვილმა განუცხადა, პატიმარი მაგრად არის ნაცემი და მას სხეულის სხვადასხვა დაზიანებები აქვს.
„მამუკა ჩალაბაშვილი 26 მაისს, თბილისში საპროტესტო აქციის დაშლის დროს იყო დაკავებული. მას საქალაქო სასამართლოს მიერ პოლიციის თანამშრომლებისთვის დაუმორჩილებლობის ბრალდებით 30 დღის ვადით პატიმრობა ჰქონდა შეფარდებული. მაგრად იყო ნაცემი, როგორც თავად აღნიშნა, სპეცრაზმელების მხრიდან. გარეგნულადაც აღენიშნებოდა დაზიანებები. იზოლატორში ავად გახდა და თელავის საავადმყოფოში გადაიყვანეს, იქიდან კი თბილისში“, - აღნიშნა მარეხ მგალობლიშვილმა, „საქართველოს ახალგაზრდა იურისტთა ასოციაციის“ თელავის ოფისის ხელმძღვანელმა.
კახეთის საინფორმაციო ცენტრი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
