26 მაისის მოვლენებისას დარღვევებთან დაკავშირებით, ინფორმაცია საელჩოების წარმომადგენლებს დღეს არასამთავრობო ორგანიზაციებმა მიაწოდეს.
შეხვედრა სასტუმრო “თბილისი მარიოტში” საქართველოს ახალგაზრდა იურისტთა ასოციაციის მიერ იყო ორგანიზებული.
როგორც “ინტერპრესნიუსს” საია-ს თავმჯდომარემ თამარ ჩუგოშვილმა განუცხადა, აქცენტები აქციის დაშლის დროს ძალის გადამეტებაზე, დაკავებულების მოპყრობის საკითხზე, ასევე დაცვის უფლების დარღვევის საკითხებზე გააკეთეს. ასევე, იმაზე, რამდენად ჰქონდათ მომიტინგეებს ტერიტორიის დატოვების შესაძლებლობა.
ინტერპრესნიუსი