„სახალხო კრების“ ცხელი ხაზი გაუჩინარებულთა ოჯახებისთვის

„სახალხო კრების“ ინფორმაციით, არასამთავრობო ორგანიზაციებისა და „სახალხო კრების“ შეჯერებული სიების საფუძველზე ამ დრომდე დაკარგულად 48 ადამიანი ითვლება. „სახალხო კრება“ მიმართავს ყველას თუ ვინმეს რაიმე ინფორმაცია გააჩნია დაკარგულ პირთა მდგომარეობის შესახებ, დაუკავშირდნენ ცხელ ხაზზე 832 218-40-36, 218-40-37.

„იმ მუდმივი ტერორისა და ზეწოლის პირობებში, რასაც 26 მაისის შემდეგ ხელისუფლება საკუთარი მოქალაქეების მიმართ ახორციელებს, შესაძლებელია გაუჩინარებულთა სიაში შესული ადამიანების ნაწილი მართლაც მიმალულია, მაგრამ ასევე მნიშვნელოვანია ის ინფორმაცია, რომელსაც რამდენიმე თვითმხილველი და არასამთავრობო ორგანიზაციის წარმომადგენელი ავრცელებს, დარბევისა და შემდგომ, პოლიციის განყოფილებებში სასტიკად ცემის შედეგად, გარდაცვლილთა რაოდენობასთან დაკავშირებით“, - აღნიშნულია „სახალხო კრების“ განცხადებაში.

კახეთის საინფორმაციო ცენტრი