ერიკ ფურნიე ქართული მედიის სისუსტეებზე საუბრობს

საფრანგეთის ელჩი საქართველოში ერიკ ფურნიე ჟურნალ „თბილისელებთან“ ქართულ მედიაში არსებულ პრობლემებზე საუბრობს.

ჟურნალისტის კითხვაზე, შეაფასოს ქართული მედია და მიუთითოს მის ნაკლზე დიპლომატიური შეზღუდვების გარეშე, საფრანგეთის ელჩი პასუხობს, რომ უამრავ ანგარიშებშია აღწერილი ქართული მედიის სუსტი მხარეები.

„არხები, რომლებზეც ვერავინ გეტყვით, ვის ეკუთვნის; მთავარი რედაქტორები, რომლებიც თემებს თვითნებურად ირჩევენ; ჟურნალისტები, რომლებიც სამსახურის დაკარგვის შიშით თვითცენზურას მიმართავენ; პროფკავშირის არარსებობა საავტორო უფლებების დასაცავად; კვალიფიკაციის ნაკლებობა, რაც უმრავლესობას საშუალებას აძლევს, შეუმოწმებელი ინფორმაცია გაავრცელოს; დაპირისპირებული დებატების არარსებობა; მოკლედ, არასრულყოფილი ინფორმაცია, რომელიც პროვინციებში ხშირად ხელმისაწვდომი არ არის“, - აცხადებს ერიკ ფურნიე.

ინტერპრესნიუსი