ჯავის რაიონის დე ფაქტო სასამართლომ საქართველოს 10 დაკავებული მოქალაქის „სამხრეთ ოსეთის რესპუბლიკიდან“ გაძევების გადაწყვეტილება მიიღო. ამის შესახებ სააგენტო „რესი“ იუწყება.
„ჯავის რაიონის სასამართლომ განიხილა ადმინისტრაციული წარმოების საქმე საქართველოს მოქალაქეებთან დაკავშირებით და გამოიტანა დადგენილება, სამხრეთ ოსეთის ტერიტორიიდან მათი ადმინისტრაციული გაძევების შესახებ“, - განაცხადეს დე ფაქტო სასამართლოში.
ონის რაიონის 10 მცხოვრებს ოსური მხარე ქართველ სამართალდამცველებს და ევროკავშირის დაკვირვებლებს სავარაუდოდ, დღესვე, სოფელ ერგნეთთან გადასცემს.
ონის რაიონის სოფელ ღარის ათი მცხოვრები ოკუპანტებმა 18-19 ივნისს იმ დროს დააკავეს, როცა ისინი საეკლესიო დღესასწაულს „საჯვარეობას“ აღნიშნავდნენ. დაკავებულებს ცხინვალის დე-ფაქტო ხელისუფლება ბრალად სდებდა ე.წ. საზღვრის დარღვევას.
ინტერპრესნიუსი