06:06, Thursday, 21.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გაეროს თვითნებური დაკავების ჯგუფი: „საგანგაშოა, რომ სასამართლოში საქმეების 90 პროცენტი საპროცესო გარიგებით სრულდება“

28.06.2011
საგანგაშოა ის ფაქტი, რომ საქართველოს საერთო სასამართლოებში საქმეების 90 პროცენტი საპროცესო გარიგების საფუძველზე სრულდება. ამის შესახებ გაეროს თვითნებური დაკავების საკითხებზე მომუშავე ჯგუფის ხელმძღვანელმა ელ ჰადჯი მალიკ სოუმ 24 ივნისს გამართულ პრესკონფერენციაზე განაცხადა.

მისივე თქმით, მოსამართლეს არ შეუძლია შეამციროს სასჯელი, თუ არ არის პროკურორის თანხმობა. „პროკურორი წარმოადგენს ყველაზე გავლენიან მხარეს მოლაპარაკების პროცესში და უმრავლეს შემთხვევებში განსაზღვრავს საპროცესო გარიგების პირობებს“, - აცხადებს ჰადჯი მალიკ სოუ.

მისივე თქმით, ხშირ შემთხვევაში, დამნაშავეს ურჩევნია, საპროცესო გარიგება დადოს, რათა თავი დააღწიოს საპყრობილეს.

„დიდია ასევე საპროცესო გარიგების თანხები და ხშირად ის ათასობით ლარს შეადგენს, რაც მძიმე გადასახდელია მოსახლეობისთვის. ხშირ შემთხვევაში, ადამიანები ამ თანხას ვერ იხდიან და საპყრობილეში რჩებიან. ამ ყველაფერს დისკრიმინაციული ხასიათი აქვს“, _ აცხადებს სამუშაო ჯგუფის ხელმძღვანელი. მისივე თქმით, სერიოზულ პრობლემას წარმოადგენს ისიც, რომ განაჩენთა 99,9 პროცენტი გამამტყუნებელია.

„შეშფოთებით აღვნიშნავთ, რომ სასამართლოს შიგნით არსებული პრაქტიკა არ მოდის შესაბამისობაში სახელმწიფოს მიერ რატიფიცირებულ ადამიანის უფლებათა საერთაშორისო ხელშეკრულებებთან და ეროვნულ კანონმდებლობასთან. ნებისმიერი მოქალაქის თავისუფლების უფლება მნიშვნელოვნად ზიანდება, თუ არ არის გარანტირებული სასამართლოს დამოუკიდებლობა“, - აცხადებს ჰადჯი მალიკ სოუ.

გაეროს თვითნებური დაკავების საკითხებზე მომუშავე ჯგუფი საქართველოში 15 ივნისს ჩამოვიდა და ადგილზე გაეცნო ვითარებას. ჯგუფის წევრები შეხვდნენ მთავრობის წევრებს, არასამთავრობო ორგანიზაციების წარმომადგენლებს და მოინახულეს თავისუფლების აღკვეთის ადგილები თბილისში, ბათუმსა და ქუთაისში, სადაც დაახლოებით 160 პატიმარისგან ინფორმაცია ანონიმურად მიიღეს.

ჯგუფმა ვიზიტის დასრულებისას წინასწარი დასკვნა შეიმუშავა. საბოლოო ანგარიში ვიზიტის შესახებ 2012 წლის მარტში, გაეროს ადამიანის უფლებათა საბჭოს წარედგინება.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC