კატეგორიები
ჟურნალისტური მოკვლევა
სტატია
რეპორტაჟი
ანალიზი
ფოტო რეპორტაჟი
ექსკლუზივი
ინტერვიუ
უცხოური მედია საქართველოს შესახებ
რედაქტორის აზრი
პოზიცია
მკითხველის აზრი
ბლოგი
თემები
ბავშვები
ქალები
მართლმსაჯულება
ლტოლვილები / დევნილები
უმცირესობები
მედია
ჯარი
ჯანდაცვა
კორუფცია
არჩევნები
განათლება
პატიმრები
რელიგია
სხვა

მანანა მანჯგალაძე ფოტორეპორტიორების დაკავების მედიის თავისუფლებასთან გაიგივებას აღმაშფოთებელს უწოდებს

8 ივლისი, 2011

საქართველოს პრეზიდენტის პრესსპიკერმა, მანანა მანჯგალაძემ ფოტორეპორტიორების დაკავებასთან დაკავშირებით ვრცელი კომენტარი გააკეთა, რომელიც პრეზიდენტის ოფიციალურ ვებგვერდზეა განთავსებული.
 
„მე არ შემიძლია, დეტალურად ვისაუბრო ამ მეტად მგრძნობიარე საქმის თაობაზე, მაგრამ არის ერთი საკითხი, რომელსაც ნათელი უნდა მოვფინო: საქმე შეეხება ინფორმაციის სერიოზულ გაჟონვას ჩვენი ინსტიტუციებიდან, აქ ლაპარაკი არ არის ჟურნალისტიკაზე ან მედიასაქმიანობაზე. ხაზგასმით აღინიშნა ის ფაქტი, რომ ეჭვმიტანილები ფოტოგრაფები არიან, მაგრამ გუშინ მათთვის ბრალი არ წაუყენებიათ თავიანთი ფოტოგრაფიული საქმიანობის შესრულებისთვის. მათ ბრალი კონფიდენციალური ინფორმაციის გადაცემისათვის წაუყენეს“, - აცხადება მანჯგალაძე.

მისივე თქმით, კერძოდ, ბრალი ეხება იმას, რომ მათ წერილობითი დოკუმენტაცია ან კონფიდენციალურ ღონისძიებათა განრიგი ისეთ ორგანიზაციას გადასცეს, რომელიც იდენტიფიცირებულია, როგორც ჯაშუშური ქსელი.

„მე მხოლოდ ბრალდებაზე ვსაუბრობ და, ცხადია, რომ გადაწყვეტილებას სასამართლო მიიღებს. მათგან ორი იყო საჯარო მოხელე, ერთ-ერთს კი ახლო შეხება ჰქონდა პრეზიდენტთან. შესაძლოა, მათ ნებისმიერი სხვა თანამდებობა ჰქონოდათ ფოტოგრაფობის გარდა და, ამ შემთხვევაშიც, საქმეს ზუსტად იგივე კვალიფიკაცია მიენიჭებოდა“, - მიიჩნევს პრეზიდენტის პრესსპიკერი.

ამასთან, მანჯგალაძე „ვერ იხსენებს ვერც ერთ ჟურნალისტს საქართველოში - ვერც მხარდამჭერს და ვერ ოპოზიციურად განწყობილს მთავრობის მიმართ - რომლისთვისაც ოდესმე ბრალი დაედოთ ჯაშუშობაში“.

„ის ხალხი, რომელიც დააკავეს, სრულებით არ იყვნენ ცნობილი საკუთარი პოლიტიკური შეხედულებებით და აღმაშფოთებელია ის ფაქტი, რომ მათი დაკავება გაიგივებული იყოს მედიის თავისუფლებასთან“,- აცხადებს მიხეილ სააკაშვილის პრესსპიკერი.

მანანა მანჯგალაძემ აღნიშნული კომენტარი შსს-ს კონტროლის ქვეშ მყოფ ინტერნეტ-გამოცემას - „პრესა.გეს“ მისცა.

„ინტერპრესნიუსის“ მიხედვით

ახალი ამბები