05:54, Sunday, 17.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გიორგი ცაგარეიშვილს ფოტორეპორტიორების საქმემ ფილმი „მონანიება“ გაახსენა

11.07.2011
პარტია „თავისუფალი დემოკრატების“ წევრი, დეპუტატი გიორგი ცაგარეიშვილი დარწმუნებულია, რომ ფოტორეპორტიორები პრეზიდენტ მიხეილ სააკაშვილის პირადი ანგარიშსწორების მსხვერპლნი არიან და მათი საქმე ფილმ "მონანიებას" ახსენებს.

როგორც „ინტერპრესნიუსთან“ საუბრისას ცაგარეიშვილმა განაცხადა, შსს-ს მიერ გამოქვეყნებული ე.წ. მტკიცებულებები არ არის საკმარისი თუნდაც იმისთვის, რომ ფოტორეპორტორების ჯაშუშობის ვარაუდისთვის მაინც გამოითქვას ეჭვი. მისი თქმით, ასევე წარმოუდგენელია რეალურად ჯაშუშობაში მხილებული ადამიანი, თუნდაც ის ქალბატონი იყოს, სასამართლომ გირაოს სანაცვლოდ გაათავისუფლოს. ამას გარდა, დეპუტატისთვის წარმოუდგენელია, ფოტორეპორტიორები ჯაშუშობასთან დაკავშირებით გადარიცხვებზე ტელეფონით საუბრობდნენ მაშინ, როცა დღეს მთელმა საქართველომ იცის, რომ ტელეფონები ისმენება და განსაკუთრებით, ამ ადამიანებმა. მით უმეტეს, ცაგარეიშვილმა ვერც სატელეფონო საუბრების ჩანაწერებში მოისმნა რამე ისეთი, რომ ეჭვის საბაბი მისცემოდა.

„არც ერთი ჭკუადმყოფელი ადამიანი, რომელიც ჯაშუშობით არის დაკავებული, არ დარეკავს თავის პარტნიორთან საიდუმლო საქმიანობაზე სასაუბროდ. განსაკუთრებით საქართველოში, როცა ივანე მერაბიშვილს ტელეფონები, ლამის მაგიდაზე უდევს“, – განაცხადა ცაგარეიშვილმა.

მისივე თქმით, მთელი ეს გამოქვეყნებულ ე.წ. მტკიცებულებები მხოლოდ იმის ეჭვს აჩენს, რომ თავიდან ბოლომდე საქმე შეთითხნილია და რომ ის მხოლოდ მიხეილ სააკაშვილისა და ივანე მერაბიშვილის პირად ანგარისწორებას უკავშირდება.

„ინფორმაცია გარკვეული უხერხული მდგომარეობის შესახებ, რაც ალბათ ასახულია მათ მიერ სხვადასხვა დროს, სხვადასხვა ადგილზე, ივანე მერაბიშვილმა მიაწოდა სააკაშვილს და მისივე ძალისხმევით მოხდა მათი დაკავება. მინდა ვთქვა, რომ როგორც ჩანს, ხელისუფლების უკანასკნელი გადაწყვეტილებები, რომელთა შორისაა ფოტორეპორტორების დაკავება, საბოლოოდ წარმოაჩენს, რომ სააკაშვილი და მისი კამარილია ტირანიით ტკბობაში არიან გადაშვებულები“, – განაცხადა გიორგი ცაგარეიშვილმა და დასძინა, რომ ფოტორეპორტიორების საქმემ ცნობილი ქართული მხატვრულ ფილმი „მონანიება“ გაახსენა.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC