საზოგადოებრივი გაერთიანება "ბელორუსის ჟურნალისტთა ასოციაცია" დაკავებული ფოტორეპორტიორების საქმის გასაჯაროების მოთხოვნას უერთდება. ამის შესახებ ასოციაციის განცხადებაშია ნათქვამი.
ბელორუსი ჟურნალისტები აღნიშნავენ, რომ მათთვის კარგად არის ცნობილი ის მეთოდები, რომლითაც ხელისუფლება არასასურველი ინფორმაციის გავრცელებას ებრძვის.
"ბელორუსის ჟურნალისტთა ასოციაცია უერთდება ქართველი ჟურნალისტების მოთხოვნას, ფოტორეპორტიორების წინააღმდეგ აღძრული სისხლის სამართლის საქმე იყოს მაქსიმალურად ღია, გამჭვირვალე და სამართლიანი", - ნათქვამია განცხადებაში.
ბელორუსი ჟურნალისტების ვარაუდით, ქართველი რეპორტიორების დაკავების მიზეზი მათი პროფესიული საქმიანობა გახდა. კერძოდ, 26 მაისს თბილისში მიტინგის დაშლის კადრები. ბელორუსი ჟურნალისტები აცხადებენ, რომ ქართველი ფოტორეპორტიორების საქმეს ყურადღებით ადევნებენ თვალს.
ინტერპრესნიუსი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
