წინანდალში მომხდარ მკვლელობებთან დაკავშირებით შსს-ს თანამშრომელია დაკავებული

შსს-მ თელავის რაიონის სოფელ წინანდალში მომხდარ მკვლელობებთან დაკავშირებით მათი თანამშრომლის დაკავების ფაქტი ოფიციალურად დაადასტურა.

როგორც “ინტერპრესნიუსს”  შსს-ს პრესსამსახურში განუცხადეს, წინანდალში ორი ადამიანის მკვლელობაში ბრალდებულია მათი თანამშრომელი დავით ჩოთალიშვილი, რომელიც 109-ე მუხლით არის დაკავებული.

თელავის რაიონის სოფელ წინანდალში 21 წლის გიგა გემაზაშვილი და შოთიკო ბატიაშვილი 8 ივლისს მოკლეს.

ინტერპრესნიუსი