03:08, Thursday, 24.04.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ადვოკატი რამინ პაპიძე ადმინისტრაციულ პატიმრობაშია

03.08.2011

მაკა მალაყმაძე, აჭარა

ადვოკატი რამინ პაპიძე ბათუმის დროებით მოთავსების იზოლატორში მეექვსე დღეა, მშრალად შიმშილობს. ის 29 ივლისს, ღამის 12 საათის შემდეგ, ადმინისტრაციულ პატიმრობაშია.

ბათუმის საქალაქო სასამართლოს თავმჯდომარე თემურ გოგოხიამ ადვოკატ პაპიძეს 10-დღიანი ადმინისტრაციული პატიმრობა 28 ივლისს არასამუშაო საათებში შეუფარდა. პაპიძეს სასჯელი ბათუმის საქალაქო სასამართლოს მანდატურების: იური ზაქარაძისა და ნოდარ დიასამიძის ახსნა-განმარტების საფუძველზე  შეეფარდა.

ბათუმის დროებითი მოთავსების იზოლატორში, გვიან ღამით, რამინ პაპიძე საკუთარი ფეხით მივიდა. მანამდე კი, ტელეარხ 25-ის გადაცემა „დიალოგში“ განაცხადა, რომ ადმინისტრაციული პატიმრობის პერიოდში ის მშრალ შიმშილს აპირებდა.

„მე ვაპირებ მშრალ შიმშილობას. აღარ იკმარეს ჯარიმები (აჭარის ტელევიზიის ბლოკირებაში ბრალდებულთა პროცესების განმავლობაში, რამინ პაპიძე, ჯამში 3 100 ლარით არის დაჯარიმებული), ახლა ფიზიკური ანგარიშსწორებით და თავისუფლების აღკვეთით მდევნიან. მე ვარ ე.წ. შავ სიაში და ვითვლები დაუმორჩილებელ ადვოკატად. ამაზე ხუმრობენ კიდეც პროკურორები და მოსამართლეები. სისხლის სამართლის საქმეებზე ყველანაირად მზღუდავენ და არ მაძლევენ დაცვის უფლებას. შესაძლოა, საადვოკატო მოღვაწეობა საერთოდ შევწყვიტო“, - განაცხადა რამინ პაპიძემ.

მანდატურები ზაქარაძე და დიასამიძე თავიან ახსნა-განმარტებაში მიუთითებენ, რომ ადვოკატმა რამინ პაპიძემ სასამართლოს სიტყვიერი შეურაცხყოფა მიაყენა და დაკავების მცდელობისას მანდატურებს წინააღმდეგობა გაუწია.

რამინ პაპიძე ბათუმის საქალაქო სასამართლოში, 21 მაისის აქციის მონაწილეების მიერ აჭარის ტელევიზიის ბლოკირებაში ეჭვმიტანილებს იცავდა. პაპიძე აღნიშნულ პროცესზე, შვიდი ბრალდებულიდან ხუთს იცავდა. ის მოსამართლე ვერა დოლიძემ ჯერ 200 ლარით დააჯარიმა. ამის გამო პაპიძის მიერ გამოხატულ პროტესტს მოსამართლის მხრიდან მისი დარბაზიდან გაძევება მოჰყვა.

სასამართლო სხდომის დარბაზიდან გამოსულ პაპიძეზე მანდატურები აგრძელებდნენ ძალის გამოყენებას. როგორც პაპიძე ამბობს, მას ფიზიკურად შეეხენ. ხმაურის გამო, მოქალაქეებმა სხდომის დარბაზი დატოვეს. 28 ივლისს აღნიშნულ საქმეზე სასამართლო პროცესიც ჩაიშალა.

მოგვიანებით კი, 19:30 წუთისთვის, ბათუმის საქალაქო სასამართლოს თავმჯდომარე თემურ გოგოხიამ, მანდატურების ახსნა-განმარტების საფუძველზე, ადმინისტრაციული პროცესი გამართა.

ირაკლი შავაძე, რამინ პაპიძის ადვოკატი: „საქმეში არ იყო სამართალდარღვევის ოქმი. მოსამართლის გადაწყვეტილება მხოლოდ მანდატურების ახსნა-განმარტებას ეფუძნებოდა. ფაქტს მოქალაქეები შეესწრნენ. თუმცა, მოსამართლემ მოწმის სახით თვითმხილველების დაკითხვა არ დააკმაყოფილა. დაირღვა სამართლიანი სასამართლოს უფლება. ჩვენ გადაწყვეტილების გასაჩივრებას ვაპირებთ“.

ადამიანის უფლებათა ცენტრი ბათუმის დროებითი მოთავსების იზოლატორის უფროსს, სულიკო ბერიძეს დაუკავშირდა და დაკავებული ადვოკატის ჯანმრთელობის მდგომარეობა იკითხა. დროებითი მოთავსების იზოლატორის ხელმძღვანელმა მცირე კომენტარით შემოიფარგლა და ტელეფონი გაგვითიშა: „მე ოზოლატორში 100 დაკავებული მყავს და რა მახსოვს ეგ. წერილობით გამომგვიგზავნეთ და გიპასუხებთ“.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
თქვენი აზრით, ირღვევა თუ არა წინა ხელისუფლების ყოფილი მაღალჩინოსნების უფლებები?
ირღვევა არ ირღვევა არა ვარ ინფორმირებული მიჭირს პასუხის გაცემა

ბლოგი

მშიერი კომისიის წევრები და გაბრაზებული თავმჯდომარეები ბათუმში
არჩვენებს 2003 წლიდან ვაკვირდები. არც ერთი არჩევნები არ გამომიტოვებია, რასაც ვერ ვიტყოდი ჩემი საარჩევნო ხმის უფლების გამოყენებაზე - ყველა არჩევნებზე, იმის გამო რომ
ვრცლად...
ბეჭედი ნაკვეთურის გარეშე და ორსახელიანი ამომრჩეველი გურიაში
პირველად დამკვირვებლის სტატუსით
არქივი
    

რედაქტორის აზრი

პატიმართა მასობრივი პროტესტის მიზეზები
ბოლო ხანს მედიაში ერთ-ერთი აქტუალური თემაა პატიმართა პროტესტი გეგუთის კოლონიაში. ასობით პატიმარი პროტესტის სხვადასხვა ზომებს მიმართავს და კოლონიის დირექტორის გადაყენებას მოითხოვს. ისინი საპატიმროს
ვრცლად...
შემოდგომის ბუზი
ადამიანის უფლებათა ცენტრი მაღალჩინოსნების სასამართლო პროცესებს დააკვირდება
არქივი
თემები
კატეგორიები

Copyright © 2004 - 2014 HRIDC