20:22, Wednesday, 16.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ოსურმა მხარემ 15-დან 7 პატიმარი გაათავისუფლა

05.09.2011
მცხეთა-მთიანეთის საინფორმაციო ცენტრის ინფორმაციით, ოსურმა მხარემ ბოლო 2 თვის განმავლობაში დაკავებული 15 ქართველიდან, 7 პატიმარი გუშინ გაათავისუფლა. ამ ინფორმაციას საქართველოს შსს-ს ანალიტიკური დეპარტამენტის უფროსი შოთა უტიაშვილიც ადასტურებს.

საქართველოს 8 მოქალაქე, მათ შორის 22 აგვისტოს დაკავებული მცხეთის რაიონის სოფელ ძალისში მცხოვრები ძმები - 21 და 23 წლის შოთა და გიგა ბზარაშვილები და მათი ბიძა, 33 წლის ელიზბარ ბზარაშვილი ისევ პატიმრობაში რჩებიან.

2 სექტემბერს გამართულ ქართულ-ოსურ ორმხრივ შეხვედრაზე ოსურმა მხარემ დაკავებული ბზარაშვილების გათავისუფლებაზე უარი თქვა. როგორც საქართველოს შსს-ს ანალიტიკური დეპარტამენტის უფროსმა შოთა უტიაშვილმა განაცხადა, ოსმა დე ფაქტო სამართალდამცავებმა დაკავებულებს ბრალი საზღვრის უკანონო გადაკვეთისთვის წაუყენეს.

მცხეთა-მთიანეთის საინფორმაციო ცენტრი დაკავებული შოთა და გიგა ბზარაშვილების დედას, ლია ხატისაშვილსაც დაუკავშირდა. ხატისაშვილის ინფორმაციით, ოსი სამართალდამცავები ბზარაშვილების გასამართლებას აპირებენ.

„ახლა ვესაუბრეთ საქართველოს შსს-ს თანამშრომლებს. გვითხრეს, რომ მთავარი მიზეზი, რის გამოც ჩემს შვილებს და მაზლს არ ათავისუფლებენ, არის ის, რომ მათ იარაღი ჰქონდათ. ყველამ იცის, რომ ისინი სანადიროდ იყვნენ წასულები. თან სამი სანადირო თოფი ჰქონდათ წაღებული. სამივე თოფი გაფორმებული იყო და ნადირობის ნებართვაც ჰქონდათ. არ ვიცი, რა გვეშველება. დღეს ისიც ვერ მითხრეს, მომდევნო შეხვედრა ოსურ მხარესთან როდის გაიმართება, ან საერთოდ გაიმართება თუ არა“, - აღნიშნა ლია ხატისაშვილმა.

მცხეთა-მთიანეთის საინფორმაციო ცენტრის ინფორმაციით, საუბარია რუსული წარმოების MC ტიპის ნახევრად ავტომატურ იარაღზე, რომელიც ერთდროულად 5 პატრონას ისვრის. საქართველოში ამ ტიპის იარაღით ნადირობა კანონით დაშვებულია.

მცხეთის რაიონის სოფელ ძალისში მცხოვრები ძმები - 21 და 23 წლის შოთა და გიგა ბზარაშვილები და მათი ბიძა, 33 წლის ელიზბარ ბზარაშვილი ოსმა სამართალდამცავებმა „საზღვრის უკანონო გადაკვეთის“ ბრალდებით 22 აგვისტოს, ახალგორთან დააკავეს. ახალგაზრდები გორის რაიონის სოფელ წითელუბნის მიმდებარე ტერიტორიაზე მწყერზე ნადირობდნენ.

მცხეთა - მთიანეთის საინფორმაციო ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC