19:42, Monday, 21.09.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

შატილის თემის რწმუნებული ჟურნალისტისთვის კომენტარის მიცემის გამო სამსახურიდან დაითხოვეს

07.09.2011
დუშეთის მუნიციპალიტეტის გამგებელმა შატილის თემის რწმუნებული ნინო ჭინჭარაული სამსახურიდან გაათავისუფლა. მცხეთა - მთიანეთის საინფორმაციო ცენტრის ინფორმაციით, შატილის რწმუნებულს ჟურნალისტებისთვის მიცემული კომენტარი არ აპატიეს.

მცხეთა - მთიანეთის საინფორმაციო ცენტრმა 16 აგვისტოს გამოაქვეყნა სტატია დუშეთის გამგებელს და ზურაბ ოტიაშვილს კორუფციაში ადანაშაულებენ. სტატიაში დუშეთის გამგეობის შესყიდვების სამსახურის ყოფილი თანამშრომელი დოდო ჩოხელი აცხადებდა, რომ 2009 წლის ნოემბერში, შატილში გამგეობამ ნაპირსამაგრ სამუშაოებზე 9 422 ლარი გახარჯა, არადა ამ დროს შატილში ნაპირსამაგრი სამუშაოები ვერ ჩატარდებოდა, რადგან დიდი თოვლი იყო.

მცხეთა - მთიანეთის საინფორმაციო ცენტრთან საუბარში მაშინ ნინო ჭინჭარაულმა დაადასტურა, რომ 2009 წელს შატილში მისასვლელი გზა ოქტომბრის ბოლოს ჩაიკეტა, გაზაფხულამდე არ გახსნილა და შატილში არაფერი გაკეთებულა.

დაზუსტებული ინფორმაციით, სტატიის გამოქვეყნებიდან მეორე დღეს, 17 აგვისტოს ნინო ჭინჭარაული დუშეთის მუნიციპალიტეტის გამგეობაში დაიბარეს და სამსახურიდან წასვლა მოსთხოვეს. ჭინჭარაული ადასტურებს, რომ განცხადება თავად დაწერა, ოღონდ ამბობს, რომ გადაწყვეტილება საკუთარი ნებით მიიღო. „სამსახურიდან წასვლის თაობაზე განცხადება საკუთარი სურვილით დავწერე. გავთხოვდი და შატილში სიარულს ვეღარ შევძლებ“, - აღნიშნა ჭინჭარაულმა.

„ჭინჭარაულმა რწმუნებულის თანამდებობიდან გათავისუფლების თხოვნით თვითონ მოგვმართა. მისი განცხადება დავაკმაყოფილეთ“, - განუცხადა მცხეთა-მთიანეთის საინფორმაციო ცენტრს დუშეთის გამგებელმა ლაშა ჯანაშვილმა.

ამჟამად შატილს რწმუნებული არ ჰყავს.

მცხეთა-მთიანეთის საინფორმაციო ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC