ბათუმში მოქმედი არასამთავრობოები საიას სოლიდარობას უცხადებენ

საია საქართველოში მოქმედი ერთ-ერთი ავტორიტეტული და წარმატებული არასამთავრობო ორგანიზაციაა, რომელიც წლების განმავლობაში დიდ სამუშაოს ეწევა საქართველოში ადამიანის უფლებების დაცვისათვის. იგი ამ ბოლო დროს, 26 მაისის მოვლენების დროს დაღუპული ადამიანების შესახებ მასალების შეგროვების გამო, ხელისუფლების ზეწოლისა და მის მიერ კონტროლირებადი მედიასაშუალებების შავი პიარის ობიექტად იქცა. ჩვენ ამ ფაქტს განვიხილავთ, როგორც ხელისუფლების მიერ არასამთავრობო სექტორის დისკრედიტაციის მცდელობას და ვგმობთ მას. ამასთან ხელისუფლებისგან მოვითხოვთ მიმდინარე წლის 26 მაისს გარდაცვლილი ნიკა კვინტრაძის საქმესთან დაკავშირებით საიას მიერ წარმოდგენილი მტკიცებულებების საფუძველზე გამოძიების დროულ დაწყებას.

აჭარის დამოუკიდებელ ექსპერტთა კავშირი,

სამოქალაქო საზოგადოება ადამიანის უფლებებისათვის,

დემოკრატიის ინსტიტუტი,

თავისუფალ ჟურნალისტთა სახლი,

დაიცავი საქართველო,

სიმართლისა და სამართლის, ჩაგრულთა და პატიმართა უფლებების დაცვისა და სოციალური უზრუნველყოფის საერთაშორისო ორგანიზაცია