18:57, Friday, 18.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

დარიალიჰესის მშენებლობა დაიწყო

13.09.2011
ყაზბეგის მუნიციპალიტეტის ტერიტორიაზე 109 მგვტ სიმძლავრის დარიალიჰესის მშენებლობა დაიწყო. ეს ინფორმაცია მცხეთა - მთიანეთის საინფორმაციო ცენტრს შპს „დარიალ ენერჯის“ გენერალურმა დირექტორმა ლაშა იორდანიშვილმა დაუდასტურა.

ასოციაცია „მწვანე ალტერნატივას“ ანალიტიკოსი ქეთი გუჯარაიძე რამდენიმე დღის წინ აცხადებდა, რომ შპს „დარიალ ენერჯის“ დარიალიჰესის მშენებლობით გამოწვეული შესაძლო ნეგატიური შედეგები ამ დრომდე სათანადოდ არ ჰქონდა შეფასებული. „დარიალ ენერჯის“ გენერალური დირექტორი ამ ინფორმაციას უარყოფს:

„გარემოზე ზემოქმედების შეფასებით დაიწყო ყველაფერი. ჩამოვიყვანეთ სპეციალისტები, შევხვდით მოსახლეობას და ყაზბეგში დიდი პრეზენტაციაც მოვაწყეთ. ეს ეტაპი ყველა პროცედურის დაცვით გავიარეთ. გარემოზე ზემოქმედების შეფასება რომ არ გვქონდეს გაკეთებული, არც ერთი საფინანსო ინსტიტუტი თანხას არ მოგვცემდა“, - ამბობს იორდანიშვილი.

მცხეთა-მთიანეთის საინფორმაციო ცენტრის ინფორმაციით, პრეზენტაცია, რომელზეც იორდანიშვილი საუბრობს, დაბა სტეფანწმინდაში 12 აგვისტოს გაიმართა და „დარიალ ენერჯიმ“ ამ პრეზენტაციაზე გარემოზე ზემოქმედების შეფასების წინასწარი ანგარიში წარადგინა.

საქართველოს ენერგეტიკისა და ბუნებრივი რესურსების სამინისტროს ოფიციალურ ვებგვერდზე განთავსებულ „დაინტერესებულ მხარეთა ჩართულობის გეგმის“ თანახმად, „დარიალ ენერჯიმ“ სამინისტროს გარემოზე ზემოქმედების შეფასება (გზშ) ნოემბრის დასაწყისში უნდა ჩააბაროს.

დარიალიჰესი ყაზბეგის მუნიციპალიტეტის ტერიტორიაზე, რუსეთ-საქართველოს საზღვართან, მდინარე თერგის მარჯვენა ფერდზე, მდინარე ყუროს და ხდის წყალს შორის შენდება. ახალი ჰიდროელექტროსადგურის მშენებლობაში 120 მლნ აშშ დოლარის ინვესტიცია ჩაიდება, მშენებლობაზე კი 150 ადამიანი დასაქმდება. პროექტის მიხედვით, ჰესი ექსპლუატაციაში 2014 წელს უნდა შევიდეს.

დარიალიჰესის მიერ გამომუშავებულ ელექტროენერგიას ზამთარში საქართველო მოიხმარს, ზაფხულში კი ელექტროენერგიის ექპსორტი თურქეთში განხორციელდება.

საქართველოს მთავრობასა და შპს „დარიალ ენერჯის“ შორის დარიალის ჰიდროელექტროსადგურის მშენებლობის შესახებ ხელშეკრულება 2011 წლის 19 მაისს გაფორმდა. დოკუმენტს ხელი საქართველოს ენერგეტიკისა და ბუნებრივი რესურსების მინისტრმა ალექსანდრე ხეთაგურმა და შპს „დარიალ ენერჯის“ დირექტორმა ლაშა იორდანიშვილმა მოაწერეს.

მცხეთა-მთიანეთის საინფორმაციო ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC