16:11, Saturday, 06.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ზვიად ყუშიტაშვილი: „ჩემი ოჯახისა და მეგობრების სიცოცხლე საფრთხეშია“

15.09.2011

ეკა ლომიძე

რამდენიმედღიანი გაუჩინარების შემდეგ არასამთავრობო ორგანიზაცია „ქართველი ემიგრანტების“ ხელმძღვანელმა ზვიად ყუშიტაშვილმა საგანგებო ბრიფინგი გამართა. მისი თქმით, იგი 3 სექტემბერს სასტუმრო „საქართველოს“ მიმდებარე ტერიტორიიდან გაიტაცეს და მხოლოდ 9 სექტემბერს გაათავისუფლეს.

ყუშიტაშვილის გაუჩინარების თემაზე „თეთრების“ ოფისში გამართულ საგანგებო ბრიფინგზე „თეთრების ახალგაზრდული მოძრაობის“ ხელმძღვანელმა გიორგი ფარესიშვილმა, მოძრაობა „ივერიელების“ ხელმძღვანელმა ლევან კოჭლოშვილმა და თავად ზვიად ყუშიტაშვილმა ისაუბრეს.

3 სექტემბერს ევროპის ექვს ქვეყანაში საქართველოს საელჩოებთან და საკონსულოებთან საპროტესტო აქციები გაიმართა. „ქართველი ემიგრანტები“ აქციის სახით გამოხატავდნენ პროტესტს 26 მაისს აქციის დარბევის დროს გამოწვეული შედეგების გამო.

ზვიად ყუშიტაშვილის განცხადებით, საპროტესტო აქციებით შეშინებულმა ხელისუფლებამ დაიწყო მისი და ამ ორგანიზაციის წარმომადგენლების შანტაჟი კატეგორიული მოთხოვნით - უარი ეთქვათ საპროტესტო აქციების გამართვაზე. 

„3 სექტემბერს თურქეთში მივდიოდი, სადაც აქცია უნდა გამართულიყო. აეროპორტში ტაქსით წასვლა გადავწყვიტე. ტაქსი სასტუმრო „საქართველოსთან“ გავაჩერებინე, ამ დროს ბე-ემ-ვეს მარკის ავტომობილი გაჩერდა, საიდანაც ორი ნიღბიანი და ერთი სამოქალაქო ფორმაში ჩაცმული მამაკაცი გადმოვიდა და მანქანაში ჩამსვეს. წამიყვანეს გაურკვეველი მიმართულებით. აღმოვჩნდი ოთახში, სადაც 2 ნიღბიანი დამხვდა. ისინი მეკითხებოდნენ, რატომ ვიყავი ამ ხელისუფლებით უკმაყოფილო. ერთ-ერთმა ხელი გამარტყა და სიტყვიერი შეურაცხყოფა მომაყენა. მცემდნენ და მაწამებდნენ, ახდენდნენ ფსიქოლოგიურ ზეწოლას“, - განაცხადა ზვიად ყუშიტაშვილმა.

პარტია „თეთრების“ წარმომადგენლების  განცხადებით,  ნიღბიანები ყუშიტაშვილს 13 წლის ქალიშვილის გაუპატიურებით დაემუქრნენ, იმ შემთხვევაში, თუკი დასმულ კითხვებზე მათთვის სასურველ პასუხებს არ გასცემდა. ყუშიტაშვილი აღნიშავს, რომ ერთ-ერთი მათგანი, რომელიც იმ ოთახში იმყოფებოდა, შს მინისტრის მოადგილე იყო. მისივე თქმით, 9 სექტემბერს შსს-ს ოთხმა ნიღბიანმა თანამშრომელმა იგი ჯიპის მარკის მანქანიდან ელბაქიძის ქუჩის დასაწყისში ჩამოაგდეს.

ყუშიტაშვილმა ბრიფინგზე ღია წერილი გამოაქვეყნა, სადაც უფლებადამცველებს, პოლიტიკური პარტიების ლიდერებს, სამოქალაქო საზოგადოებას და ინტელიგენციას მიმართავს, რომ არა მხოლოდ თავისი, არამედ ოჯახის წევრებისა და მეგობრების სიცოცხლეც საფრთხეშია. 

ორგანიზაცია „სოლიდარობა უკანონო პატიმრებს“ ხელმძღვანელი ეკა ბესელია მიიჩნევს, რომ ადამიანის ამ ფორმით გაუჩინარება ერთ-ერთი უმძიმესი დანაშაულია, მითუმეტეს, როცა ლაპარაკია ხელისუფლების წარმომადგენლების შესაძლო მონაწილეობაზე.

„21-ე საუკუნეში ჩვენს ქვეყანაში ლეკიანობაა. ადამიანის გატაცება და ასეთი ფორმით მასზე ზეწოლა უმძიმესი დანაშაულია“, - აღნიშნა ეკა ბესელიამ.

წარმომადგენლობითი სახალხო კრების წევრის, შოთა ჯიქიას განცხადებით, თურქეთში საქართველოს საკონსულოს წინ „ქართველი ემიგრანტების“ საპროტესტო აქციის გამართვის შემდეგ, მას საკონსულოდან დაემუქრნენ.

„მიმიწვიეს საკონსულოში და „რუსეთის აგენტი“ მიწოდეს. მემუქრებოდნენ, რომ შემექმნებოდა პრობლემები. სამწუხაროა, რომ საქართველოს ხელისუფლებას არ აინტერესებს აუტანელი პირობების გამო სამშობლოდან გახიზნული ქართველების მონური მდგომარეობა უცხოეთის ქვეყნებში. მათთვის მთავარია, ჩანასახშივე ჩაახშონ უმძიმეს მდგომარეობაში მყოფი ქართველი ემიგრანტების ნებისმიერი პროტესტი და გვაიძულონ არჩევნებში „ნაცების“ მხარდაჭერა“, - განაცხადა შოთა ჯიქიამ.

პოლიტიკური პარტიებისა და არასამთავრობო ორგანიზაციის წარმომადგენლები ბრიფინგზევე შეთანხმდნენ, რომ ყუშიტაშვილის საქმესთან დაკავშირებით საჭიროა დიპლომატიური კორპუსის ინფორმირება, ექსპერტიზის ჩატარება და პროკურატურაში საჩივრის შეტანა.

Print Send to Friend Send to Facebook Tweet This
სახელი: აკადემია UNIKO
2014-08-19 18:02
უმაღლესი დონის აფერისტი, და ზალიან მალე ვამხელთ და იხილავთ ყველა ....... და რა პატრიოტი კაცია მერე ილაპარაკოს.....
სახელი: აკადემია UNIKO
2014-08-13 14:27
საფრთხეში იქნება თუ ისევე მოატყუეთ ადამიანები როგორც ჩვენთან აპირებთ. ჩვენ არ ვაპირებთ ამ ყველაფერთან შეგუებას არც იფიქროთ. პრესაც და ტელევიზიაც საქმის კურსში იქნება თქვენი თაგლიტური დაპირებების გამო და მთელი ინტერნეტ სივრცეც გაიგებს რაც და ვინც ხართ. და პირველ რიგში ქართული საზოგადოება.
სახელი: აკადემია უნიკო
2014-08-13 13:48
საფრთხეში იქნება თუ ისევე მოატყუეთ ადამიანები როგორც ჩვენთან აპირებთ. ჩვენ არ ვაპირებთ ამ ყველაფერტან შეგუებას არც იფიქროთ. პრესაც და ტელევიზიაც საქმის კურსში იქნება თქვენი აფერისტული დაპირებების გამო.და მთელი ინტერნეტ სიცრცე გაიგებს რაც და ვინც ხართ. და პირველ რიშსი ქართული საზოგადოება.
სახელი: zviadi
2012-06-13 19:27
romeli lasha xar momcere, djincharadze tu shen xar she kudis da sodis agento shen, momcere feizbukze
სახელი: zviadi.
2012-06-13 12:54
ar ginda tqva romeli lasha xar she intrigano.
სახელი: ლაშა
2012-05-24 17:28
შე აფერისტო ადამიანო, იმას რატომ არ ამბობ პოლიციაში, რომ მუშაობდი როგორ აწამებდი ხალხს და შენს უბნელებს!!!!!!!!!
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC