09:55, Tuesday, 17.09.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

თავდაცვის ბიუჯეტის გამჭვირვალობის კუთხით, საქართველო „საშუალოდან დაღმავალ“ კატეგორიაში მოხვდა

16.09.2011
თავდაცვის ბიუჯეტის გამჭვირვალობის კუთხით, საქართველო „საშუალოდან დაღმავალ“ კატეგორიაში მოხვდა. ეს შედეგები „საერთაშორისო გამჭვირვალობა - ინგლისის“ თავდაცის ბიუჯეტის გამჭვირვალობის გლობალურ კვლევაში დაფიქსირდა.

კვლევის მიხედვით, მაღალი ქულები ქვეყნების 16%-მა  მიიღო. ისინი  არიან მაღალგანვითრებული ქვეყნები, მდგრადი დემოკრატიული ტიპის მმართველობით. სახელმწიფოთა 22% საშუალოდან მაღალ პოზიციაზეა. ქვეყნების 62% საშუალო, საშუალოდან დაბალ და დაბალ კატეგორიაშია.

კვლევის მიზანია ქვეყნების მონაცემთა ანალიზის საფუძველზე იმის განსაზღვრა, თუ როგორ იცავს ესა თუ ის ქვეყანა თავდაცვის ბიუჯეტის გამჭვირვალობის პრინციპებს.

„ყველა ქვეყანა, გარკეულწილად, ასაიდუმლოებს დაზვერვაზე, მოწმეთა დაცვაზე და მსგავს აქტივობებზე დახარჯული სახსრების მოცულობას, თუმცა ამ სახის სენსიტიური ინფორმაციის გასაიდუმლოება და დაცვა შეიძლება გამჭვირვალობასთან თავსებადი იყოს, თუ მთავრობები მართვის საღი პრინციპებით ისარგებლებენ და ამას ხელს შეუწყობს მძლავრი სამართლებრივი სისტემა. აღნიშნულ კვლევაში საქართველო ბოლოდან მეორე კატეგორიაშია ისეთ ქვეყნებთან ერთად, როგორებიც არის აზერბაიჯანი, ბულგარეთი, ავღანეთი, ინდოეთი, მექსიკა, ნიკარაგუა და სხვა“, - აცხადებენ კვლევის ავტორები.

კვლევის ფარგლებში, „საერთაშორისო გამჭვირვალობა - ინგლისმა“ შეისწავლა 88 ქვეყნის თავდაცვის უწყებების ბიუჯეტებთან დაკავშირებული საჯარო ინფორმაცია. ასევე საბოლოო ანგარიშის მომზადებისას გამოყენებულ იყო ღია ბიუჯეტის ინდექსი (OBI), საზოგადოებრივი დანახარჯისა და ფინანსური ანგარიშვალდებულების მონაცემთა ბაზა, გაერო-ს ინსტრუმენტი სამხედრო დანახარჯთა საერთაშორისო სტანდარტული ანგარიშგებისთვის, აკადემიური სტატიები, სხვადასხვა არასამთავრობო ორგანიზაციების პუბლიკაციები და ანგარიშები, თავდაცვის სამინისტროს ბიუჯეტის ხელმისაწვდომი ვერსიები. ქვეყნების რეიტინგს საფუძვლად ღია ბიუჯეტის ინდექსის შედეგები დაედო.

უმაღლესი ქულა მიიღეს საფრანგეთმა, გერმანიამ, ახალმა ზელანდიამ, ნორვეგიამ, შვედეთმა, აშშ-მა, ბრიტანეთმა.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC